ຮໍລິເດ ອິນ (Holiday Inn) ກໍ່ຕັ້ງຂຶ້ນໃນປີ 1952, ໂດຍທ່ານ ເຄມມອນສ໌ ວິນສັນ (Kemmons Wilson), ເປັນເຄືອໂຮງແຮມລະດັບໂລກທີ່ມີຊື່ສຽງ ເຊິ່ງໄດ້ສ້າງມາດຕະຖານດ້ານການຕ້ອນຮັບຜ່ານຫຼາຍທົດສະວັດ. ໂຮງແຮມ ຮໍລິເດ ອິນ ແຫ່ງທໍາອິດ ສ້າງຂຶ້ນຢູ່ເມືອງເມມຟິສ, ລັດເທນເນັສຊີ, ສະຫະລັດອາເມລິກາ, ໂດຍເປັນແນວຄິດບຸກເບີກ ທີ່ນໍາສະເໜີສະຖານທີ່ພັກລະດັບມາດຕະຖານ ພ້ອມດ້ວຍບໍລິການພິເສດ ແລະ ລາຄາທີ່ຈັບຕ້ອງໄດ້. ວິທີການຄົ້ນຄິດນະວັດຕະກໍາດັ່ງກ່າວ ໄດ້ຮັບຄວາມນິຍົມຢ່າງວ່ອງໄວ, ສົ່ງຜົນໃຫ້ມີການຂະຫຍາຍເຄືອຂ່າຍໄປທົ່ວສະຫະລັດອາເມລິກາ ແລະ ທົ່ວໂລກພຽງໄລຍະເວລາອັນສັ້ນ.

ປັດຈຸບັນ, ໂຮງແຮມ ຮໍລິເດ ອິນ ຍັງເປັນແບຣນໂຮງແຮມຊັ້ນນໍາ ໂດຍບໍລິການສະຖານທີ່ພັກກວ່າ 1,200 ແຫ່ງທົ່ວໂລກ ທັງມີຊື່ສຽງແຫ່ງຄວາມມຸ່ງໝັ້ນຕັ້ງໃຈໃນການມອບບໍລິການເຂົ້າພັກທີ່ສະດວກສະບາຍໃຫ້ແກ່ແຂກທຸກປະເພດ.

ໂຮງແຮມ ຮໍລິເດ ອິນ ແອນ ສະຫວີທສ໌ ວຽງຈັນ ຈະເປີດໃຫ້ບໍລິການຢ່າງເປັນທາງການພາຍໃນເດືອນຕຸລາ, ເຊິ່ງໄດ້ກາຍເປັນໂຮງແຮມ IHG Hotels & Resorts ແຫ່ງທີສອງ ພາຍໃຕ້ການບໍລິຫານໂດຍ ບໍລິສັດ BIM Group ປະຈໍາລາວ. ໃນຖານະເປັນໂຮງແຮມແຫ່ງທໍາອິດຂອງໂຮງແຮມໃນເຄືອ ຄຣາວ ພລາຊ່າ ວຽງຈັນ; ເມື່ອຫຼອມລວມເຂົ້າກັນແລ້ວ ກໍຈະກາຍເປັນໂຮງແຮມລະດັບ 5 ດາວ ສອງແບຣນທີ່ໃຫຍ່ທີ່ສຸດໃນນະຄອນຫຼວງວຽງຈັນ, ພ້ອມມອບປະສົບການສຸດພິເສດ ເພື່ອຕອບສະໜອງຕໍ່ຄວາມຕ້ອງການແກ່ແຂກ.

ໂຮງແຮມ ຮໍລິເດ ອິນ ແອນ ສະຫວີທສ໌ ຕັ້ງຢູ່ໃຈກາງຕົວເມືອງ, ໄດ້ຮັບການອອກແບບທີ່ທັນສະໄໝ ພ້ອມດ້ວຍການບໍລິການທີ່ບໍ່ມີບ່ອນຕໍານິ ທັງມອບບັນຍາກາດທີ່ໜ້າດຶງດູດໃຈ ນັບແຕ່ບໍລິການຫ້ອງພັກອັນກວ້າງຂວາງ ຈົນຮອດສິ່ງອໍານວຍຄວາມສະດວກທີ່ທັນສະໄໝຕ່າງໆ, ເຊິ່ງສາມາດຕອບໂຈດຄວາມຕ້ອງການແກ່ແຂກທີ່ມາພັກເຊົາທຸກລະດັບໄດ້. ເນື່ອງຈາກໂຮງແຮມຕັ້ງຢູ່ໃນຈຸດສູນກາງທີ່ສໍາຄັນ ຄຽງຄູ່ກັບສິ່ງອໍານວຍຄວາມສະດວກສະບາຍ, ເຮັດໃຫ້ໂຮງແຮມແຫ່ງນີ້ກາຍເປັນຈຸດໝາຍປາຍທາງທີ່ຄວນເລືອກ ສໍາລັບແຂກທີ່ເດີນທາງມາລາວເພື່ອຈຸດປະສົງໃນການພັກຜ່ອນ ຫຼື ທຸລະກິດ.

ເມື່ອເວົ້າເຖິງອາຫານຂອງໂຮງແຮມ ກໍມີລົດຊາດແຊບຊ້ອຍບໍ່ນ້ອຍໜ້າແຫ່ງອື່ນໃດ. ແຂກທີ່ມາພັກເຊົາສາມາດລິ້ມລອງໄດ້ທັງລົດຊາດອາຫານນານາຊາດ ແລະ ອາຫານທ້ອງຖິ່ນຫຼາຍປະເພດ ໄດ້ທີ່ຫ້ອງອາຫານ “Rosella ” ເຊິ່ງເປີດໃຫ້ບໍລິການໝົດມື້ ຫຼື ເລືອກນັ່ງຜ່ອນຄາຍດ້ວຍເຄື່ອງດື່ມຊະນິດຕ່າງໆທີ່ “The Hub”, ຮ້ານບາເຊິ່ງຕັ້ງຢູ່ຫ້ອງພັກແຂກທີ່ກວ້າງຂວາງ. ສູນໄລຟ໌ສະໄຕລ໌ຂອງໂຮງແຮມ ຍັງມີຫ້ອງອອກກໍາລັງກາຍທີ່ທັນສະໄໝ ຢ່າງ “Rise”, ສວນກາງແຈ້ງສໍາລັບພັກຜ່ອນ ແລະ ສະລອຍນໍ້າອິນຟິນິຕີ້ທີ່ກວ້າງຂວາງ ເພື່ອມອບໃຫ້ແກ່ຜູ້ທີ່ຕ້ອງການຊອກຫາຄວາມຜ່ອນຄາຍ ແລະ ປັບຄວາມສົມດຸນແກ່ຮ່າງກາຍ.

ຄອບຄົວທີ່ເຂົ້າພັກຮ່ວມກັບລູກໆຂອງຕົນ ຈະຕ້ອງຊື່ນຊົມປະທັບໃຈໃນໂຄງການ “ເດັກນ້ອຍເຂົ້າພັກ ແລະ ຮັບປະທານອາຫານຟຣີ” ຂອງໂຮງແຮມ, ເຮັດໃຫ້ເປັນຕົວເລືອກທີ່ດີເລີດ ສໍາລັບມື້ພັກຜ່ອນຮ່ວມກັບຄອບຄົວ. ແຂກຂອງ IHG ທີ່ເປັນສະມາຊິກໂຄງການສະສົມຄະແນນ “IHG One Rewards” ຍັງໄດ້ຮັບສິດຜົນປະໂຫຍດພ້ອມຂໍ້ສະເໜີສຸດພິເສດ ເປັນຕົ້ນແມ່ນ ສາມາດລົງທະບຽນເຂົ້າພັກກ່ອນເວລາ, ແຈ້ງອອກຊ້າ ແລະ ຍົກລະດັບຫ້ອງພັກ.

ອີກໜຶ່ງຈຸດເດັ່ນຂອງໂຮງແຮມລະດັບ 5 ດາວ ພາຍໃຕ້ການຮ່ວມມືລະຫວ່າງສອງແບຣນແຫ່ງນີ້ກໍຄື ການເປີດໂຕສູນປະຊຸມແຫ່ງໃໝ່ຂອງ ໂຮງແຮມ ຄຣາວ ພລາຊ່າ ວຽງຈັນ ເຊິ່ງຈະເປີດໃຫ້ບໍລິການພ້ອມກັບໂຮງແຮມ ຮໍລິເດ ອິນ ແອນ ສະຫວີທສ໌ວຽງຈັນ, ດ້ວຍພື້ນທີ່ກວ້າງຂວາງສໍາລັບຈັດກອງປະຊຸມ ແລະ ງານຕ່າງໆຫຼາຍປະເພດ ທີ່ສາມາດຮອງຮັບແຂກໄດ້ເຖິງ 1,500 ຄົນ. ບໍ່ວ່າທ່ານຈະວາງແຜນຈັດກອງປະຊຸມສໍາລັບບໍລິສັດ, ງານລ້ຽງສັງສັນ ຫຼື ງານແຕ່ງດອງ, ທາງພະນັກງານຂອງໂຮງແຮມ ເວລາໃດກໍມີຄວາມພ້ອມໃນການບໍລິການ ເພື່ອຮັບປະກັນໃຫ້ການຈັດງານດັ່ງກ່າວບັນລຸຜົນສໍາເລັດຢ່າງສົມບູນແບບ. ສໍາລັບຄູ່ບ່າວສາວທີ່ກໍາລັງຊອກຫາສະຖານທີ່ອັນເລີດຫຼູ ເພື່ອເຮັດໃຫ້ງານດອງໃນຝັນຂອງຕົນເປັນຈິງນັ້ນ, ຫ້ອງໂຖງໃຫຍ່ແຫ່ງໃໝ່ຂອງໂຮງແຮມມີອຸປະກອນ AV ທີ່ທັນສະໄໝ ພ້ອມບໍລິການທີ່ເປັນເລີດ. ນອກຈາກນີ້, ໂຮງແຮມຍັງມີຫ້ອງຮັບຮອງ “His and Her” ທີ່ສະດວກສະບາຍ ເພື່ອຮັບປະກັນໃຫ້ຜູ້ໃຊ້ບໍລິການໄດ້ຮັບປະສົບການທີ່ປະທັບໃຈ ແລະ ໜ້າຈົດຈໍາຕັ້ງແຕ່ເລີ່ມຕົ້ນຈົນຈົບງານ.

ເມື່ອເທສະການງານບຸນຫຍັບມໍ່ໃກ້ເຂົ້າມາ, ໂຮງແຮມ ຮໍລິເດ ອິນ ແອນ ສະຫວີທສ໌ວຽງຈັນ ກໍພ້ອມທີ່ຈະມອບປະສົບການອັນໜ້າປະທັບໃຈຢ່າງແທ້ຈິງ. ເນື່ອງຈາກໂຮງແຮມມີທີ່ຕັ້ງຕິດກັບສູນການຄ້າທີ່ພວມກໍ່ສ້າງ ເຊິ່ງຄາດວ່າຈະສໍາເລັດພາຍໃນທ້າຍປີນີ້, ເຮັດໃຫ້ສະຖານທີ່ດັ່ງກ່າວກາຍເປັນຈຸດໝາຍປາຍທາງທີ່ເໝາະສົມທັງສໍາລັບວຽກງານ ແລະ ການພັກຜ່ອນຢ່ອນອາລົມ.

ດ້ວຍສະຖານທີ່ພັກກວ້າງຂວາງ, ພ້ອມສິ່ງອໍານວຍຄວາມສະດວກຊັ້ນເລີດ ແລະ ການຕ້ອນຮັບອັນອົບອຸ່ນ, ເຮັດໃຫ້ໂຮງແຮມແຫ່ງນີ້ກາຍເປັນສະຖານທີ່ພັກສໍາຄັນແຫ່ງໃໝ່ໃນນະຄອນຫຼວງວຽງຈັນ.