ໂຮງແຮມແມ່ຊົງ ດາລາບົວ

 ແມ່ຊົງ ດາລາບົວ (Maison Dalabua) ເປັນໂຮງແຮມທີ່ມີການຕົກແຕ່ງພາຍໃນທີ່ເປັນເອກະລັກສະເພາະໃນຕົວ ໂດຍປະສົມປະສານຄວາມມີສະເໜ່ແບບດັ້ງເດີມຂອງລາວເຂົ້າກັບຄວາມຫຼູຫຼາທີ່ທັນສະໄໝໄວ້ຮ່ວມກັນໃນໃຈກາງເມືອງຫຼວງພະບາງ, ທ່າມກາງການຫຸ້ມລ້ອມຂອງພວກຕົ້ນໄມ້ສີຂຽວກະຈີ ພ້ອມກັບມີໜອງບົວເບັ່ງບານຕະການຕາ. ພື້ນທີ່ສີຂຽວອັນອຸດົມສົມບູນແຕ່ງຽບສະຫງົບຂອງໂຮງແຮມ ຈະມອບຄວາມຜ່ອນຄາຍໃຫ້ກັບນັກທ່ອງທ່ຽວທີ່ມາພັກຜ່ອນຢູ່ສະຖານທີ່ສວຍງາມແຫ່ງນີ້.

ແມ່ຊົງ ດາລາບົວ, ມີຄວາມໝາຍວ່າ “ເຈົ້າຍິງດອກບົວ,” ໃຫ້ບໍລິການການຕ້ອນຮັບອັນອົບອຸ່ນ ແລະ ມອບບໍລິການໃນລັກສະນະທີ່ເປັນປະສົບການສະເພາະບຸກຄົນ, ເພື່ອໃຫ້ລູກຄ້າໄດ້ສຳຜັດກັບກິ່ນອາຍຂອງຕົວຕົນວັດທະນະທໍາລາວອັນແທ້ຈິງ. ນອກຈາກນີ້, ໂຮງແຮມແຫ່ງດັ່ງກ່າວຍັງປະສົມປະສານປະເພນີແບບດັ້ງເດີມ ແລະ ຄວາມທັນສະໄໝເຂົ້າໃສ່ກັນ ເພື່ອເຮັດໃຫ້ການພັກຜ່ອນແຕ່ລະຄັ້ງໜ້າຈົດຈຳຈົນຍາກທີ່ຈະລືມໄດ້. 

ບໍລິເວນໂຮງແຮມມີສະດອກບົວ ແລະ ສວນເຂດຮ້ອນ ທີ່ໄດ້ຮັບການຂຶ້ນທະບຽນເປັນມໍລະດົກໂລກ ໂດຍອົງການອຸຍເນັສໂກ. ເນື່ອງຈາກເປັນສະຖານທີ່ພັກຜ່ອນທີ່ງຽບສະຫງົບ, ຈິ່ງເຮັດໃຫ້ແຂກທີ່ມາພັກເຊົາ ສາມາດເພີດເພີນກັບການນັ່ງສະມາທິ ຫຼື ຍ່າງເລາະຊົມພືດພັນນາໆຊະນິດ ແລະ ຟັງສຽງນ້ຳໄຫຼເພື່ອຄວາມຜ່ອນຄາຍໄດ້. 

ຫ້ອງພັກພາຍໃນໂຮງແຮມໄດ້ຮັບການອອກແບບຢ່າງຫຼູຫຼາ ດ້ວຍເຟີນີເຈີສະໄຕລໂຄໂລນຽວປະສົມລາວ ແລະ ສິ່ງອຳນວຍຄວາມສະດວກທີ່ທັນສະໄໝ. ແຂກທີ່ມາໃຊ້ບໍລິການໃນໂຮງແຮມ ສາມາດເລືອກທີ່ພັກໄດ້ບໍ່ວ່າຈະເປັນບັງກາໂລແຄມນ້ຳ ຫຼື ຫ້ອງດີລັກທີ່ມີພື້ນທີ່ໃຊ້ສອຍກວ້າງຂວາງ ທັງສາມາດແນມເຫັນທິວທັດທີ່ສວຍງາມ ແລະ ບັນຍາກາດອັນງຽບສະຫງົບ.

ຫຼັງຈາກໄດ້ເລາະທ່ຽວສຳຫຼວດເມືອງຫຼວງພະບາງແລ້ວ, ແຂກສາມາດຜ່ອນຄາຍດ້ວຍການເຮັດສະປາເພື່ອບໍາບັດສຸຂະພາບ ຫຼື ລົງຫຼິ້ນນໍ້າໃນສະລອຍນ້ຳຂະໜາດຄວາມກ້ວາງ 15 ແມັດເພື່ອເພີ່ມຄວາມຜ່ອນຄາຍແບບເຫຼືອເຊື່ອ. 

ແມ່ຊົງ ດາລາບົວ ເປັນຫຼາຍກວ່າຄໍາວ່າໂຮງແຮມ ເພາະເປັນບ່ອນພັກທີ່ປຽບເໝືອນສະຫວັນອັນງຽບສະຫງົບອີກແຫ່ງໜຶ່ງໃນຫຼວງພະບາງ, ເໝາະສຳລັບການພັກຜ່ອນທີ່ສຸດແສນໂຣແມນຕິກ ຫຼື ການພັກຜ່ອນທີ່ງຽບສະຫງົບ, ພ້ອມກັບມອບປະສົບການອັນລໍ້າຄ່າ ແລະ ຄວາມຜ່ອນຄາຍທີ່ບໍ່ມີແຫ່ງໃດທຽມທັນ.

ຫາກຕ້ອງການຂໍ້ມູນເພີ່ມເຕີມ ຫຼື ຈອງທີ່ພັກ, ສາມາດເຂົ້າເບິ່ງທີ່ maisondalabua.com

ຮ້ານອາຫານ ມານດາເດິລາວ

ຮ້ານອາຫານ ມານດາເດິລາວ (Manda de Laos) ຕັ້ງຢູ່ໃຈກາງຂອງເມືອງຫຼວງພະບາງ, ມອບປະສົບການໃນການຮັບປະທານອາຫານທີ່ຫຼູຫຼາ ປະສົມປະສານອາຫານລາວພື້ນເມືອງເຂົ້າກັບບັນຍາກາດທີ່ຊວນຫຼົງໄຫຼ. ສະຖານແຫ່ງນີ້ ຂຶ້ນຊື່ວ່າເປັນຮ້ານອາຫານທີ່ມີບັນຍາກາດອັນງຽບສະຫງົບ, ເປັນຈຸດຮັບປະທານອາຫານຍອດນິຍົມແຫ່ງໜຶ່ງໃນຂົງເຂດນີ້ ໂດຍເປີດໂອກາດໃຫ້ແກ່ແຂກທີ່ເດີນທາງມາທ່ຽວຫຼວງພະບາງ ສາມາດດື່ມດໍາກັບລົດຊາດອາຫານທີ່ເປັນມູນມໍລະດົກທາງວັດທະນະທໍາຂອງລາວ.

ຄວາມສະຫງ່າງາມອັນໂດດເດັ່ນທີ່ປາກົດໃຫ້ເຫັນຈາກພາຍໃນຂອງຮ້ານອາຫານແຫ່ງນີ້ກໍແມ່ນ ການໄດ້ນັ່ງຮັບປະທານອາຫານຄ່ຳກາງແຈ້ງ ໃຕ້ທ້ອງຟ້າທີ່ເຕັມໄປດ້ວຍດວງດາວ ພ້ອມກັບທັດສະນີຍະພາບຂອງສະບົວ ທີ່ໄດ້ຮັບການຂຶ້ນທະບຽນເປັນມໍລະດົກໂລກ ໂດຍອົງການອຸຍເນັສໂກ. ການໃຫ້ບໍລິການທີ່ເປັນເລີດໄຮ້ຈຸດຕໍານິ ແລະ ສາກຫຼັງອັນມະຫັດສະຈັນ ໄດ້ກໍ່ເກີດເປັນປະສົບການທີ່ບໍ່ມີວັນລືມ.

ຮ້ານອາຫານ ມານດາເດິລາວ ໄດ້ຖະນຸຖະໜອມຮັກສາສູດອາຫານແບບດັ້ງເດີມຂອງຄອບຄົວຈາກຮຸ່ນສູ່ຮຸ່ນ ໂດຍການນຳສະເໜີອາຫານທີ່ມີລົດຊາດຕົ້ນຕຳລັບ ທີ່ສະທ້ອນເຖິງຄວາມຫຼາກຫຼາຍໃນວິຖີການປຸງແຕ່ງອາຫານຂອງລາວ. ສວນສີຂຽວອຸ່ມທຸ່ມອ້ອມຮອບບໍລິເວນສະບົວອັນເກົ່າແກ່ ໄດ້ຊ່ວຍເພີ່ມບັນຍາກາດໃຫ້ສະຫງົບງຽບຍິ່ງຂຶ້ນ, ເຮັດໃຫ້ຈຸດແຫ່ງນີ້ກາຍເປັນສະຖານທີ່ພັກຜ່ອນອັນງຽບສະຫງົບ. 

Manda de Laos ບໍ່ພຽງແຕ່ເປັນຮ້ານອາຫານເທົ່ານັ້ນ, ແຕ່ຍັງເປັນສະຖານທີ່ບໍລິການອາຫານທີ່ເສີບສະເພາະອາຫານລາວພື້ນເມືອງ ດ້ວຍການປະສົມປະສານລົດຊາດທີ່ເປັນເລີດ, ບວກກັບຄວາມຫຼູຫຼາ, ແລະ ຄວາມງາມທີ່ເປັນທຳມະຊາດເພື່ອຊ່ວຍໃຫ້ລູກຄ້າສາມາດສໍາຜັດກັບປະສົບການການຮັບປະທານອາຫານທີ່ໜ້າຈົດຈໍາ.

ສໍາລັບຂໍ້ມູນເພີ່ມເຕີມ ຫຼື ຕ້ອງການຈອງໂຕະ, ສາມາດເຂົ້າເບິ່ງທີ່ mandadelaos.com 

ຮ້ານອາຫານ ກັດສະປາກ

ຮ້ານອາຫານ ກັດສະປາກ (Gaspard Artisan Cuisine) ຕັ້ງຢູ່ໃຈກາງເມືອງຫຼວງພະບາງ, ນຳສະເໜີລົດຊາດຂອງອາຫານຝຣັ່ງ ພາຍໃນເຮືອນໄມ້ມໍລະດົກສອງຊັ້ນ ທີ່ໄດ້ຮັບການຂຶ້ນທະບຽນໂດຍອົງການອຸຍເນັສໂກ. ຮ້ານອາຫານແຫ່ງນີ້ໄດ້ປະສົມປະສານຄວາມຫຼູຫຼາຂອງອາຫານຝຣັ່ງເຂົ້າກັບມໍລະດົກທາງວັດທະນະທໍາຂອງລາວ, ເຮັດໃຫ້ສະຖານທີ່ແຫ່ງນີ້ກາຍເປັນຈຸດໝາຍປາຍທາງສໍາລັບການຢ້ຽມຢາມຂອງຜູ້ຄົນໃນທ້ອງຖິ່ນ ແລະ ນັກທ່ອງທ່ຽວ. 

ຄວາມຫຼູຫຼາຢ່າງປານີດຂອງຮ້ານ ກັດສະປາກ ສະທ້ອນອອກຜ່ານການຕົກແຕ່ງພາຍໃນທີ່ພິຖີພິຖັນ ແລະ ລະບຽງແຄມສວນທີ່ງຽບສະຫງົບ, ເຊິ່ງໄດ້ມອບບັນຍາກາດທີ່ສົມບູນແບບສຳລັບການຮັບປະທານ ບໍ່ວ່າຈະເປັນອາຫານທ່ຽງ ກໍຄືອາຫານຄ່ຳ. ດ້ວຍການບໍລິການທີ່ໃສ່ໃຈ ແລະ ຄວາມມີສະເໜ່ຂອງບັນຍາກາດ ເຮັດໃຫ້ການມາຮັບປະທານອາຫານຢູ່ທີ່ນີ້ມີຄວາມພິເສດແບບບອກບໍ່ຖືກ

ເມນູຂອງທາງຮ້ານສ່ວນໃຫຍ່ແມ່ນອາຫານຝຣັ່ງສະໄຕລຄລາສສິກ ທີ່ປຸງແຕ່ງດ້ວຍວັດຖຸດິບຕາມລະດູການທີ່ຫາໄດ້ຈາກທ້ອງຖິ່ນ ນັບຕັ້ງແຕ່ ປໍໂຕເຟີ (Pot-au-Feu) ໄປຈົນເຖິງ ຕັ໊ກຕາຕັງ (Tarte Tatin), ອາຫານທຸກເຍື່ອງ ໄດ້ສະແດງໃຫ້ເຫັນເຖິງຄວາມມຸ່ງໝັ້ນຕັ້ງໃຈຂອງເຊຟເພື່ອໃຫ້ໄດ້ມາທັງຄຸນນະພາບ ແລະ ລົດຊາດໜ້າຊວນຊີມ.

ຮ້ານອາຫານດັ່ງກ່າວຕັ້ງຢູ່ໃນອາຄານໄມ້ມໍລະດົກ ທີ່ໄດ້ຮັບການອະນຸລັກໄວ້ຢ່າງສວຍງາມດ້ວຍໂຄງສ້າງໄມ້ລາວແບບດັ້ງເດີມ, ໂດຍມີຄວາມສຳຄັນທາງປະຫວັດສາດ ເຊິ່ງໄດ້ຊ່ວຍເພີ່ມປະສົບການການຮັບປະທານອາຫານ, ເຮັດໃຫ້ ກັດສະປາກ ກາຍເປັນຮ້ານອາຫານທີ່ປະສົມປະສານຄວາມເປັນເລີດດ້ານການປຸງແຕ່ງອາຫານ ແລະ ມໍລະດົກທາງວັດທະນະທຳເຂົ້າກັນໄວ້ຢ່າງມີເອກະລັກ. 

ຮ້ານອາຫານ ກັດສະປາກ (Gaspard Artisan Cuisine) ເປັນໄດ້ຫຼາຍກວ່າຄໍາວ່າຮ້ານອາຫານ ເນື່ອງຈາກເປັນຈຸດໝາຍປາຍທາງທີ່ມອບປະສົບການການຮັບປະທານອາຫານຝຣັ່ງ ທີ່ໜ້າປະທັບໃຈໃນເມືອງຫຼວງພະບາງ.

ສຳລັບຂໍ້ມູນເພີ່ມເຕີມ ຫຼື ຕ້ອງການຈອງໂຕະ, ສາມາດເຂົ້າເບິ່ງທີ່ gaspardrestaurant.com

ການເດີນທາງ: ສາຍການບິນລາວໃຫ້ບໍລິການຖ້ຽວບິນໄປຫຼວງພະບາງ ຈາກນະຄອນຫຼວງວຽງຈັນ, ຊຽງໃໝ່, ກຸງເທບ, ຮ່າໂນ້ຍ, ແລະ ສຽມຣຽບ.