ສີສັນເມືອງລາວພາຍຫຼັງສິ້ນສຸດໄລຍະເຂົ້າພັນສາ ບົດໂດຍ: ເຈສັນ ໂຣລັນ ຮູບໂດຍ: ພູນຊັບ ເທວົງສາ ແປ ແລະ ຮຽບຮຽງໂດຍ: ໄພບູນ ທະນະບົວສີ ເມື່ອຮອດຊ່ວງເວລາໜຶ່ງ, ຂະນະທີ່ງານບຸນເຂົ້າພັນສາກໍາລັງຈະສິ້ນສຸດລົງໃນຊ່ວງເດືອນຕຸລາຂອງທຸກໆປີ ແລະ ປະຊາຊົນຄົນລາວກໍປາກົດວ່າຮູ້ສຶກໂລ່ງອົກໂລ່ງໃຈຫຼາຍຂຶ້ນ. ສາຍຝົນໄດ້ພັດພາແມ່ນໍ້າຂອງໃຫ້ອັ່ງລົ້ນຈົມເຕັມຝັ່ງທັງສອງຟາກ, ຂະນະທີ່ອາກາດເລີ່ມຮ້ອນຂຶ້ນ ສົ່ງແສງສີທອງທົ່ວທຸກສາລະທິດ, ແລະ ທົ່ວປະເທດຕ່າງກໍຫ້າງຫາກະກຽມຈັດງານບຸນສະເຫຼີມສະຫຼອງກັນຢ່າງຍິ່ງໃຫຍ່ຟົດຟື້ນ, ທ່າມກາງແສງສີຕາມສາຍນໍ້າ, ແປວໄຟ ແລະ ຄວາມເຫຼື້ອມໃສສັດທາ.   ສໍາລັບມື້ທີ່ເປັນສີລິມຸງຄຸນດຽວກັນຂອງປີນີ້ ແມ່ນກົງກັບວັນທີ 8 ຕຸລາ...