ຕຳນານຮັກ ປານາງ

ເປັນຫຍັງປານາງຈຶ່ງມີກະດູກຂ້າງແຕ່ເບື້ອງດຽວ?

ຢູ່ໃນວົງການອາຫານລາວ ປານາງແມ່ນອາຫານທີ່ສາມາດພົບເຫັນໄດ້ທົ່ວໄປເທິງພາເຂົ້າ ມັນມີລັກສະນະພົ້ນເດັ່ນທີ່ບໍ່ຄືໃຜຄື ມັນສາມາດມີຊີວິດຢູ່ມີໄດ້ເຖິງວ່າຈະມີກ້າງພຽງເຄິ່ງໂຕ ນັກວິທະຍາສາດເພິ່ນອາດຈະສາມາດຫາຄຳອະທິບາຍມາເພື່ອພິສູດປາກົດການນີ້ໄດ້

ແຕ່ວ່ນິທານທີ່ຖືກເລົ່າຂານໂດຍປູ່ຍ່າຕາຍາຍຂອງເຮົາແມ່ນເປັນສິ່ງທີ່ໜ້າ ສົນໃຈກວ່າ ແຕ່ເມື່ອປາງກ່ອນມີເຈົ້າຍິງອົງໜຶ່ງທີ່ມີສິລິໂສມງົດງາມຫາໃຜປຽບບໍ່ໄດ້ເຊື່ອກັນວ່າດິນແດນໃດທີ່ໄດ້ ນາງໄປປະດັບບາລະມີຈະເຮັດໃຫ້ບ້ານເມືອງມີຄວາມຈະເລີນຮຸ່ງເຮືອງ ແລະ ຈະນຳຄວາມອຸດົມສົມບູນມາສູ່ໄພ່ຟ້າປະຊາຊົນ ດ້ວຍເຫດນັ້ນເຈົ້າຍິງອົງນີ້ຈຶ່ງເປັນທີ່ໝາຍປອງຂອງອົງຊາຍສອງອົງທີ່ມາກລິດເດດ ໃນສອງອານາຈັກຍິ່ງໃຫຍ່ໃນສະໄໝນັ້ນເມື່ອອົງຊາຍທັງສອງຕ່າງຮູ້ວ່າອີກຝ່າຍຕັ້ງໃຈຈະໄປສູ່ຂໍເອົາເຈົ້ານາງຜູ້ນັ້ນມາເປັນເມຍ ກໍຈຶ່ງໄດ້ຍົກທັບໄປເພື່ອຫວັງທຳລາຍອີກຝ່າຍໃຫ້ແພ້ຜ່າຍເພື່ອທີ່ຈະໄດ້ຄອບຄອງນາງແຕ່ພຽງຜູ້ດຽວ.

ເມື່ອເຈົ້າຍິງໄດ້ຮູ້ຂ່າວວ່າຊາຍທັງສອງນັ້ນໝາຍເອົາຊີວິດກັນ ແລະ ກັນພຽງເພື່ອຫວັງຊິງນາງກໍ່ຄິດເຫັນຊີວິດຂອງທະຫານ ແລະ ປະຊາຊົນທີ່ຈະຕ້ອງລົ້ມຕາຍຍ້ອນນາງເປັນຕົ້ນເຫດ ຈຶ່ງຍອມເສຍສະຫຼະຊີວິດຂອງຕົນເພື່ອຍຸຕິສົງຄາມ.ກ່ອນທີ່ນາງຈະຕັດສິນໃຈແນວນັ້ນ ນາງໄດ້ສັ່ງຄວາມນຳໄພ່ພົນຄົນສະໜິດໃຫ້ຜ່າແຍກຮ່າງກາຍນາງອອກເປັນສອງສ່ວນແລ້ວມອບແຕ່ລະສ່ວນໃຫ້ອົງຊາຍແຕ່ລະຄົນໃນການຈາກໄປຂອງນາງ

ນາງກໍໄດ້ຝາກສານສຸດທ້າຍໃຫ້ກັບອົງຊາຍທັງສອງຂອງນາງວ່າ: “ນ້ອງຂໍມອບຮ່າງກາຍທັງໝົດຂອງນ້ອງໃຫ້ແກ່ພວກອ້າຍທັງສອງ ແລະ ໃນທ້າຍທີ່ສຸດນີ້ ນ້ອງຂໍໃຫ້ພວກອ້າຍຈົ່ງນຳເອົາຮ່າງ ກາຍທີ່ນ້ອງແບ່ງໃຫ້ໄປໂຍນລົງແມ່ນ້ຳໃນດິນແດນຂອງ ພວກອ້າຍຫວັງວ່ານ້ອງຈະສາມາດນຳເອົາຄວາມອຸດົມຮັ່ງມີມາສູ່ບ້ານເມືອງຂອງພວກອ້າຍໄດ້”

ໃນມື້ຕໍ່ມາອົງຊາຍອົງສອງກໍໄດ້ປະຕິບັດຕາມທີ່ ເຈົ້າຍິງຂອງຕົນກ່າວໄວ້ຢ່າງຊໍ້າໃຈທັນທີທີ່ສົບຂອງນາງຈົມລົງນໍ້າແລ້ວຮ່າງກາຍຂອງນາງກໍໄດ້ຄ່ອຍໆກາຍເປັນປາຢ່າງໜ້າອັດສະຈັນ ແລະ ຊັດເຈນທີ່ສຸດກໍແມ່ນເປັນປາທີ່ມີກະດູກຂ້າງພຽງເບື້ອງດຽວ ເຖິງອົງຊາຍທັງສອງບໍ່ໄດ້ມີເຈດຕະນາທີ່ຈະທຳຮ້າຍຍິງສາວ ແຕ່ພວກເຂົາພັດໄດ້ຖືກມົນຄວາມຮັກບັງຕາຈົນແນມບໍ່ເຫັນພວກເຂົາຈະຄິດຢູ່ຕະຫຼອດເວລາວ່າ

““ຖ້າຂ້ອຍບໍ່ໄດ້ແຕ່ງກັບນາງ ຜູ້ອື່ນກໍຢ່າຫວັງ” ໃນທ້າຍສຸດນາງກໍໄດ້ເຮັດຕາມຄຳໝັ້ນສັນຍາຂອງນາງ ທີ່ໄດ້ກາຍເປັນປາມາຊ່ວຍເຮັດໃຫ້ແມ່ນໍ້າມີຄວາມອຸດົມສົມບູນ ແລະ ນຳເອົາຄວາມຮັ່ງມີມາສູ່ໄພ່ຟ້າປະຊາຊົນໃຫ້ມີແຕ່ຄວາມສຸກຕະຫຼອດໄປ ປານາງຈຶ່ງໄດ້ກາຍມາເປັນອາຫານຄຽງຄູ່ພາເຂົ້າຂອງຄົນລາວສືບຕໍ່ກັນມາຫຼາຍຮຸ່ນຄົນປານາງເປັນປາທີ່ມີ ຊີ້ນອ່ອນບໍ່ມີເກັດຍ້ອນມີໜັງທີ່ບາງລະອຽດ

ການປີ້ງປານາງໃຫ້ສຸກສະເໝີບໍ່ຂາດຈຶ່ງຕ້ອງ ອາໄສຄວາມຊຳນານ ແລະໃຈເຢັນກວ່າປາຊະນິດອື່ນ ນອກຈາກປີ້ງປານາງກໍ່ນິຍົມເອົາມາປຸງເປັນຕົ້ມປາແດກ ຫຼື ຈືນ

ທ່ານສາມາດມາລອງສຳພັດເມນູປານາງທີ່ສົດໃໝ່ໄດ້ທີ່ຮ້ານອາຫານຄົວລາວ ແລະ ຢ່າລືມສັງເກດເບິ່ງກ້າງ ປານາງວ່າມີພຽງແຕ່ເຄິ່ງດຽວແທ້ບໍ່