ຂຽນໂດຍ ເຈສັນ ໂຣລັນ

ຮູບໂດຍ ພູນຊັບ ເທວົງສາ

ແປ ແລະ ຮຽບຮຽງໂດຍ ໄພບູນ ທະນະບົວສີ

ຢູ່ເຂດພາກກາງຂອງລາວ, ມີສິ່ງມະຫັດສະຈັນທາງທໍາມະຊາດທີ່ໂດດ ເດັ່ນ ສອງແຫ່ງ ໄດ້ແກ່: ເຂດອະນຸລັກປ່າໂຄກ ໂອງ-ມັ່ງ ແຫ່ງຊາດ ໃນ ສະຫວັນນະເຂດ ເຊິ່ງເປັນສັດປ່າໃກ້ສູນພັນທີ່ຍັງຫຼົງເຫຼືອຢູ່ ແລະ ຖໍ້າເຊບັ້ງໄຟອັນ ລຶກລັບ ໂດຍຕັ້ງຢູ່ອຸທິຍານແຫ່ງຊາດ ຫີນໜາມໜໍ່ ຂອງ ແຂວງຄໍາມ່ວນ.

 ເປັນສັດປ່າທີ່ຫາຍາກ ແລະ ສະຫງ່າງາມພຽງກຸ່ມດຽວໃນລາວ, ໄດ້ດຶງດູດຄວາມສົນໃຈທັງກຸ່ມຄົນຜູ້ຫຼົງໄຫຼສັດປ່າ ແລະ ນັກອະນຸລັກສັດປ່າ. ໂອງ-ມັ່ງ ຫຼື ເອີ້ນກັນທົ່ວໄປວ່າ ລະໂອງ-ລະມັ່ງ ນັ້ນ ມີຈຸດເດັ່ນເປັນພິເສດ ເນື່ອງຈາກມີເຂົາກວາງອັນໂດດເດັ່ນ ເຊິ່ງກວາດຕ້ອນໄປດ້ານຫຼັງເປັນຮູບໂຄ້ງງໍຢ່າງໜ້າອັດສະຈັນ. ສັດປ່າຫາຍາກສາຍພັນນີ້, ເມື່ອກ່ອນເຄີຍພະເນຈອນໄປທົ່ວອາຊີຕາເວັນອອກ ສ່ຽງໃຕ້ຢ່າງມີອິດສະຫຼະ, ແຕ່ຍ້ອນຄວາມຊຸດໂຊມຂອງຖິ່ນທີ່ຢູ່ອາໄສ ແລະ ການ ລ່າສັດປ່າ ເຮັດໃຫ້ພວກມັນສູນພັນໃນທີ່ສຸດ. ປັດຈຸບັນ, ເຂດອະນຸລັກພັນສັດດັ່ງ ກ່າວໄດ້ຮັບການຄຸ້ມຄອງຢູ່ແຂວງສະຫວັນນະເຂດ ເຊິ່ງໄດ້ມອບຮູບລັກສະນະທີ່ຫາເບິ່ງໄດ້ຍາກໃນຊີວິດຂອງພວກມັນ, ເຮັດໃຫ້ນັກທ່ອງທ່ຽວມີໂອກາດເຊີຍຊົມ ສິ່ງທີ່ມີຊີວິດທີ່ສວຍງາມເຫຼົ່ານີ້ ທ່າມກາງສະພາບແວດລ້ອມດັ້ງເດີມຂອງພວກມັນ.

ເມື່ອມຸ່ງໜ້າໄປທາງທິດເໜືອ ທີ່ອຸທິຍານແຫ່ງຊາດ ຫີນໜາມໜໍ່ ຂອງແຂວງ ຄໍາມ່ວນ ກໍມີຖໍ້າເຊບັ້ງໄຟອັນລຶກລັບ. ຈຸດແຫ່ງນີ້, ແມ່ນໍ້າເຊບັ້ງໄຟໄດ້ສ້າງອຸບມຸງ ຍາວ 11 ກິໂລແມັດ ຜ່ານການກັດເຊາະພູຫີນປູນຂອງອຸທິຍານເປັນເວລາຫຼາຍ ລ້ານປີ ເຮັດໃຫ້ເກີດມີຖໍ້າຂະໜາດໃຫຍ່, ເຊິ່ງບາງບ່ອນກວ້າງເຖິງ 200 ແມັດ ແລະ ສູງ 120 ແມັດ. ເປັນສະຖານທີ່ທີ່ຮູ້ຈັກກັນດີເນື່ອງຈາກໂຄງສ້າງຖໍ້າທີ່ໜ້າອັດສະຈັນ ບວກກັບຄວາມຫຼາກຫຼາຍຂອງລະບົບນິເວດ. ນັກທ່ອງທ່ຽວສາມາດຕັ້ງ ແຄ້ມທີ່ປາກຖໍ້າ ແລະ ພາຍເຮືອຄາຢັກຜ່ານຖໍ້າດັ່ງກ່າວ ເພື່ອສໍາຜັດກັບສະພາບ ແວດລ້ອມທີ່ບໍ່ມີແຫ່ງໃດທຽມທັນນີ້.

ການເດີນທາງ

ສາຍການບິນລາວ ມີບໍລິການຖ້ຽວບິນທຸກວັນ ຈາກນະຄອນຫຼວງວຽງຈັນໄປແຂວງສະຫວັນນະເຂດ.