ບົດ ແລະ ຮູບໂດຍ ສະພາການຄ້າ ແລະ ອຸດສາຫະກຳ ເອີຣົບ ປະຈໍາລາວ

ແປ ແລະ ຮຽບຮຽງໂດຍ ໄພບູນ ທະນະບົວສີ

ເຖິງ ສປປ ລາວ ກໍາລັງປະເຊີນໜ້າກັບຄວາມທ້າທາຍຄັ້ງໃຫຍ່ຫຼວງ, ແຕ່ເສດຖະກິດ ຂອງລາວກໍຍັງມີໂອກາດເຕີບໃຫຍ່ຂະຫຍາຍຕົວໃນຫຼາຍດ້ານ. ປະເທດລາວກໍາລັງກ້າວ ເຂົ້າສູ່ການປະຕິຮູບດ້ານເສດຖະກິດ ແລະ ການພັດທະນາພື້ນຖານໂຄງລ່າງທີ່ສໍາຄັນ, ເຊິ່ງຈໍາເປັນຕໍ່ການດຶງດູດການລົງທຶນຈາກຕ່າງປະເທດ. ບັນດາຂະແໜງການຕ່າງໆທີ່ສໍາຄັນ ເຊັ່ນ: ຂະແໜງກະສິກໍາ, ໄຟຟ້າພະລັງງານນໍ້າ, ບໍ່ແຮ່ ແລະ ຂະແໜງການທ່ອງທ່ຽວ ລ້ວນແຕ່ເປັນທ່າແຮງບົ່ມຊ້ອນທີ່ສໍາຄັນແກ່ບັນດາທຸລະກິດທີ່ຕ້ອງການລົງທຶນໃນຂົງເຂດດັ່ງ ກ່າວ. ມີຄວາມຈໍາເປັນຢ່າງຍິ່ງທີ່ຈະຕ້ອງໄດ້ຍົກໃຫ້ເຫັນເຖິງຄວາມສໍາຄັນຂອງການເລັ່ງລັດ ການປະຕິຮູບ ເພື່ອຊ່ວຍສະໜັບສະໜູນການເຕີບໂຕທາງດ້ານເສດຖະກິດ. ສະພາການຄ້າ ແລະ ອຸດສາຫະກຳ ເອີຣົບ ປະຈໍາລາວ (ECCIL) ແມ່ນມີຄວາມສໍາຄັນຕໍ່ການສະໜັບສະໜູນ ການປະຕິຮູບເຫຼົ່ານີ້, ເພື່ອຮັບປະກັນວ່າ ສະພາບແວດລ້ອມທາງທຸລະກິດຍັງຄົງເອື້ອອໍານວຍ ແກ່ການເຕີບໂຕ ແລະ ການພັດທະນາ.

ສະພາການຄ້າ ແລະ ອຸດສາຫະກຳ ເອີຣົບ ເປັນໄດ້ຫຼາຍກວ່າຄໍາວ່າ ສະມາຄົມທຸລະກິດ ເນື່ອງຈາກເປັນຄູ່ຮ່ວມມືເພື່ອການພັດທະນາທີ່ຍືນຍົງ ແລະ ມີບົດບາດສໍາຄັນໃນການກໍານົດ ອະນາຄົດທາງດ້ານເສດຖະກິດຂອງລາວ.

ສະພາການຄ້າ ແລະ ອຸດສາຫະກຳ ເອີຣົບ ປະຈຳ ສປປ ລາວ

ສະພາການຄ້າ ແລະ ອຸດສາຫະກຳ ເອີຣົບ ປະຈຳ ສປປ ລາວ (EuroCham Laos) ສ້າງຕັ້ງຂຶ້ນໃນປີ 2011 ໂດຍມີຈຸດປະສົງ ໃນການສົ່ງເສີມ ແລະ ເພີ່ມໂອກາດທາງທຸລະກິດ ລະຫວ່າງ ສປປ ລາວ ແລະ ເອີຣົບ ເພື່ອຜົນປະໂຫຍດຮ່ວມກັນ ແລະ ເພື່ອສ້າງ “ສຽງດຽວກັນຂອງບັນດາທຸລະກິດເອີຣົບ” ໃນ ລາວ, ເຊິ່ງເປັນຕົວແທນຂອງປະຊາຄົມທຸລະກິດເອີຣົບ ໃນການ ພົບປະກັບໜ່ວຍງານທີ່ມີສິດອໍານາດຂອງລາວ ແລະ ຜູ້ມີອໍານາດ ຕັດສິນໃຈ. ສະພາການຄ້າເອີຣົບ ປະຈໍາລາວ ປັດຈຸບັນຖືເປັນ ປະຊາຄົມທຸລະກິດຕາເວັນຕົກທີ່ໃຫຍ່ທີ່ສຸດ ເຊິ່ງມີສະມາຊິກ 120 ກວ່າບໍລິສັດ ແລະ ເປັນສະຖາບັນທີ່ສໍາຄັນສໍາລັບທຸລະກິດ ທີ່ຕ້ອງການສ້າງຕັ້ງ ແລະ ຂະຫຍາຍການດໍາເນີນງານໃນລາວ.

ສະພາການຄ້າເອີຣົບ ປະຈໍາລາວ ເຮັດໜ້າທີ່ເປັນສູນກາງສໍາລັບການເຄື່ອນໄຫວທຸລະກິດໃນລາວ ຂອງບໍລິສັດເອີຣົບ ລວມ ທັງຂອງລາວ ແລະ ຕ່າງປະເທດ, ໂດຍໃຫ້ການສະໜັບສະໜູນ, ສົ່ງເສີມ ແລະ ໂອກາດໃນການສ້າງເຄືອຂ່າຍແກ່ສະມາຊິກຂອງ ຕົນ. ສະພາການຄ້າເອີຣົບ ໄດ້ເຮັດວຽກຢ່າງໃກ້ຊິດກັບທຸລະກິດ ພາຍໃນ ແລະ ຕ່າງປະເທດ, ລວມທັງລັດຖະບານລາວ, ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ຜູ້ມີສ່ວນຮ່ວມ ທີ່ກ່ຽວຂ້ອງອື່ນໆ ເພື່ອສ້າງສະພາບແວດລ້ອມທາງທຸລະກິດທີ່ດີ. ນອກຈາກນີ້, ຍັງຊ່ວຍອໍານວຍຄວາມສະດວກໃນການເປັນຂົວຕໍ່ລະຫວ່າງທຸລະກິດ ແລະ ສະໜອງບໍລິການທີ່ຈໍາເປັນແກ່ບໍລິສັດ ຕ່າງໆ ເຊັ່ນ: ຄວາມຮູ້ດ້ານການຕະຫຼາດ, ການສະໜັບສະໜູນ ນະໂຍບາຍ ແລະ ພັດທະນາວິຊາຊີບ.

 ສະພາການຄ້າເອີຣົບ ປະຈໍາລາວ ເປັນສ່ວນໜຶ່ງໃນເຄືອຂ່າຍຂະໜາດໃຫຍ່ ຂອງອົງການຈັດຕັ້ງທຸລະກິດເອີຣົບ (EBO), ເຊິ່ງຊ່ວຍເສີມສ້າງຄວາມເຂັ້ມແຂງແກ່ສິດອໍານາດ ແລະ ຊັບ ພະຍາກອນຂອງຕົນ. ເຄື່ອຂ່າຍດັ່ງກ່າວແມ່ນກວມເອົາຫຼາຍ ປະເທດ ເຮັດໃຫ້ສະມາຊິກສາມາດເຊື່ອມຕໍ່ກັບສາກົນໄດ້ຢ່າງ ກວ້າງຂວາງ ແລະ ມີໂອກາດໃນການຮ່ວມມືທາງທຸລະກິດ. ການເຊື່ອມໂຍງກັບສະຫະພາບເອີຣົບ ໄດ້ຊ່ວຍເພີ່ມທະວີຄວາມ ອາດສາມາດໃນການສະໜັບສະໜູນທຸລະກິດໃນເອີຣົບ ແລະ ມີອິດທິພົນຕໍ່ຍະໂຍບາຍດ້ານເສດຖະກິດທີ່ສົ່ງຜົນຕໍ່ສະມາຊິກ. ສະພາການຄ້າເອີຣົບ ໄດ້ມີການຮ່ວມມືກັບສະຫະພາບເອີຣົບ ໃນລາວ ພ້ອມດ້ວຍທີມງານເອີຣົບມາເປັນເວລາ 12 ປີ, ເພື່ອຊຸກຍູ້ສົ່ງເສີມ ສປປ ລາວ ໃນຖານະທີ່ເປັນປະເທດປາຍທາງ ແຫ່ງການລົງທຶນສໍາລັບປະຊາຄົມທຸລະກິດເອີຣົບ, ໂດຍທີ່ຍັງຢຶດ ໝັ້ນໃນການສົ່ງເສີມການອໍານວຍຄວາມສະດວກທາງການຄ້າ, ການເຂົ້າເຖິງຕະຫຼາດ, ການພັດທະນາແບບຍືນຍົງ ແລະ ການ ກໍານົດຜົນປະໂຫຍດ ແລະ ຂໍ້ຂ້ອງໃຈທີ່ສໍາຄັນທີ່ສຸດຂອງບັນດາທຸລະກິດເອີຣົບທີ່ດໍາເນີນງານໃນ ສປປ ລາວ. ສະພາການຄ້າ ເອີຣົບ ປະຈໍາລາວ ແລະ ຄະນະຜູ້ແທນສະຫະພາບເອີຣົບ ຍັງ ຮ່ວມມືກັນໃນໂຄງການ ແລະ ກິດຈະກໍາເປັນ ຕົ້ນແມ່ນ ເຄືອຂ່າຍ ທຸລະກິດລາວ-ເອີຣົບ ເພື່ອເນັ້ນເຖິງສາຍ ພົວພັນມິດຕະພາບ ລະຫວ່າງ ລາວ ແລະ ປະຊາຄົມທຸລະກິດ ເອີຣົບ ແລະ ສົ່ງເສີມ ໂອກາດໃນການຮ່ວມມືກັນໃນອະນາຄົດ.

ການໃຫ້ບໍລິການ ແລະ ຜົນປະໂຫຍດຕ່າງໆ ຂອງ ສະພາການຄ້າ ເອີຣົບ ປະຈໍາລາວ

ສະພາການຄ້າເອີຣົບ ປະຈໍາລາວ ໄດ້ໃຫ້ບໍລິການຫຼາຍ ຢ່າງ ທີ່ອອກແບບມາເພື່ອປະໂຫຍດສໍາຄັນແກ່ສະມາຊິກ. ບໍລິການ ເຫຼົ່ານີ້ປະກອບມີ ການສະໜັບສະໜູນ ແລະ ການ ເປັນຕົວແທນ ໃນນາມ ສະພາການຄ້າເອີຣົບ ປະຈໍາລາວ ທີ່ເປັນກະບອກ ສຽງໂດຍລວມຂອງທຸລະກິດໃນເອີຣົບ, ໂດຍມີສ່ວນຮ່ວມກັບ ລັດຖະບານ ລາວ ໃນການສົ່ງເສີມເງື່ອນໄຂເອື້ອອໍານວຍ ແລະ ການປະຕິຮູບ ນະໂຍບາຍທາງທຸລະກິດ. ສະພາການຄ້າເອີຣົບ ຍັງສະເໜີໂອກາດ ໃນການສ້າງເຄືອຂ່າຍດ້ວຍ ຮູບແບບການ ຈັດກິດຈະກໍາເຊັ່ນ: ງານລ້ຽງອາຫານ ທ່ຽງເພື່ອພົບປະທາງ ທຸລະກິດ, ການສໍາມະນາ, ແລະ ການ ເຕົ້າໂຮມເຄືອຂ່າຍຢ່າງ, ໂດຍເປີດ ໂອກາດໃຫ້ບັນດາທຸລະກິດສາມາດ ຕິດຕໍ່ປະສານງານ ກັບຜູ້ມີສວ່ນ ຮ່ວມທີ່ກ່ຽວຂ້ອງ ລວມທັງຄູ່ຮ່ວມມືທີ່ມີທ່າແຮງ ແລະ ຜູ້ຊ່ຽວຊານ ດ້ານ ອຸດສາຫະກໍາທີ່ສໍາຄັນ. ນອກຈາກນັ້ນ, ດ້ວຍປະສົບການຍາວ ນານເປັນເວລາ 12 ປີ, ສະພາການຄ້າ ເອີຣົບຍັງໄດ້ສ້າງຂໍ້ມູນ ເພື່ອສະໜອງຄວາມ ຮູ້ດ້ານການຕະຫຼາດ, ແບ່ງປັນຂໍ້ມູນເຊີງ ເລິກອັນ ມີຄ່າ ແລະ ວິເຄາະກ່ຽວກັບຕະຫຼາດ ລາວກັບສະມາຊິກ ລວມທັງ ວິເຄາະທ່າອ່ຽງດ້ານເສດຖະກິດ, ການລາຍງານດ້ານ ກົດລະບຽບ ແລະ ການລາຍງານຂະແໜງ ການສະເພາະ. ສະພາການຄ້າເອີຣົບ ໄດ້ໃຫ້ບໍລິການສະໜັບສະໜູນທາງທຸລະກິດ ນັບ ແຕ່ການໃຫ້ຄໍາ ແນະນໍາກ່ຽວກັບຍຸດທະສາດການເຂົ້າສູ່ຕະຫຼາດ ລວມເຖິງການ ອໍານວຍຄວາມສະດວກໃນການຈັບຄູ່ທຸລະກິດ ເພື່ອຮັບປະກັນໃຫ້ສະມາຊິກໄດ້ຮັບການສະໜັບສະໜູນທີ່ຈໍາ ເປັນໃນການນໍາທາງ ພູມີທັດທາງທຸລະກິດຂອງລາວຢ່າງມີປະສິດທິພາບ. ແລະສຸດທ້າຍນີ້, ສະພາການຄ້າເອີຣົບ ກໍໄດ້ນໍາສະເໜີແຜນງານ ການຝຶກອົບຮົມ ແລະ ກອງປະຊຸມສໍາມະນາ ທີ່ໄດ້ຮັບການອອກ ແບບສະເພາະເພື່ອຊ່ວຍເພີ່ມຄວາມ ອາດສາມາດ ແລະ ຮັກສາຄວາມສາມາດໃນການ ແຂ່ງຂັນດ້ານທຸລະກິດ.

ສົ່ງເສີມການພັດທະນາແບບຍືນຍົງ

ນອກຈາກນັ້ນ, ສະພາການຄ້າເອີຣົບ ປະຈໍາລາວ ຍັງມຸ່ງ ເປົ້າໃສ່ການສົ່ງເສີມການລົງທຶນຂອງເອີຣົບຢ່າງມີຄວາມຮັບ ຜິດຊອບໃນ ສປປ ລາວ ດ້ວຍໂຄງການລິເລີ່ມຊັ້ນນໍາຫຼາຍດ້ານ. ເຊິ່ງສະພາການຄ້າເອີຣົບ ໄດ້ມີການຈັດງານລະດົມທຶນເພື່ອການກຸສົນ ແລະ ງານກາລາປະຈໍາປີ ທັງຈັດງານມອບລາງວັນ Responsible Business Awards ເປັນເວລາ 3 ປີຕິດຕໍ່ກັນ.

ໃນປີ 2023, ສະພາການຄ້າເອີຣົບ ຍັງໄດ້ຈັດຕັ້ງປະຕິບັດ ໂຄງການເສີມສ້າງຄວາມເຂັ້ມແຂງແກ່ແມ່ຍິງ ເພື່ອສົ່ງເສີມຄວາມ ສະເໝີພາບລະຫວ່າງຍິງ-ຊາຍ ແລະ ການເສີມສ້າງຄວາມ  ເຂັ້ມ ແຂງໃຫ້ແກ່ຜູ້ປະກອບການແມ່ຍິງ,ແນໃສ່ສ້າງໂອກາດໃຫ້ແມ່ຍິງສາມາດປະກອບສ່ວນເຂົ້າໃນພາກທຸລະກິດຫຼາຍ ຂຶ້ນ. ທ່ານ ທຽນ ຄໍາວົງສາ, ຜູ້ອໍານວຍການບໍລິຫານ ສະພາການ ຄ້າ ແລະ ອຸດສາຫະກໍາເອີຣົບ ປະຈໍາ ສປປ ລາວ ໄດ້ກ່າວວ່າ: “ຈຸດປະສົງຂອງໂຄງການປະເພດດັ່ງກ່າວ ກໍເພື່ອເປີດໂອກາດ ໃຫ້ຜູ້ບໍລິຫານ ແລະ ຜູ້ປະກອບການແມ່ຍິງ ໄດ້ພົບປະກັບຄູ່ຮ່ວມທຸລະກິດໃນຂະແໜງການຕ່າງໆ ເພື່ອສົ່ງເສີມພາບພົດ ຂອງແມ່ຍິງທີ່ເຮັດວຽກໃນຖານະເປັນຜູ້ນໍາ ລວມທັງສະຫວັດດີການທົ່ວໄປຂອງທຸລະກິດ ແລະ ຊຸມຊົນການຮຽນ ຮູ້ທາງວິຊາຊີບຂອງພວກເຂົາ.” ທ່ານກ່າວຕື່ມວ່າ: “ພວກເຮົາຕ້ອງການສ້າງສະພາບແວດລ້ອມຂອງ ການປຶກສາຫາລືຢ່າງເສລີ ແລະ ເປີດກວ້າງໃນ ປະເດັນຕ່າງໆ ທັງສົ່ງເສີມໃຫ້ມີການສົນທະນາ ແລກ ປ່ຽນສໍາລັບແມ່ຍິງໃນຊຸມຊົນ. ພວກເຮົາມີຄວາມ ມຸ່ງໝັ້ນໃນການສ້າງແນວທາງໃໝ່ເພື່ອສະໜັບສະໜູນຜູ້ປະກອບການແມ່ຍິງໃນ ສປປ ລາວ ໃຫ້ເຕີບໃຫຍ່ ແລະ ເສີມສ້າງຄວາມເຂັ້ມ ແຂງ ໃຫ້ກັບທຸລະກິດຂອງພວກເຂົາ, ລວມທັງ ທັກສະ ແລະ ຄວາມໝັ້ນໃຈ. ແມ່ຍິງທີ່ມີເປົ້າໝາຍ ໃນທິດທາງດຽວກັນ ຈະສາມາດເຮັດ ວຽກຮ່ວມກັນ ເພື່ອເອົາຊະນະສິ່ງທ້າທາຍ.” 

ໂຄງການລິເລີ່ມດັ່ງກ່າວ ໄດ້ສະແດງໃຫ້ເຫັນ ເຖິງຄວາມມຸ່ງໝັ້ນຂອງສະພາການຄ້າເອີຣົບ ໃນ ການສົ່ງເສີມສະພາບແວດລ້ອມທາງທຸລະກິດໂດຍ ລວມ. 

ຍອມຮັບການກ້າວສູ່ອະນາຄົດຮ່ວມກັນ

ການເຂົ້າຮ່ວມ ສະພາການຄ້າເອີຣົບ ປະຈໍາລາວ ຈະຊ່ວຍໃຫ້ທຸລະກິດມີໂອກາດເຕີບໂຕໃນ ຕະຫຼາດລາວໄດ້ຢ່າງບໍ່ມີໃຜທຽມທັນ. ດ້ວຍເຄືອຂ່າຍທີ່ກວ້າງຂວາງ, ຄວາມພະຍາຍາມໃນການສົ່ງ ເສີມ ແລະ ບໍລິການສະໜັບສະໜູນແບບຮັດກຸ່ມຂອງ ສະພາການຄ້າເອີຣົບ ເຮັດໃຫ້ສະພາການຄ້າແຫ່ງນີ້ກາຍເປັນຄູ່ຮ່ວມມືທີ່ລໍ້າຄ່າສໍາລັບທຸລະກິດ. ເນື່ອງຈາກ ເສດຖະກິດຂອງລາວ ມີທ່າອ່ຽງທີ່ຈະເຕີບໂຕ ບວກກັບ ຄວາມພະຍາຍາມຢ່າງຕໍ່ເນື່ອງຂອງສະພາການຄ້າ ເອີຣົບ, ເຮັດໃຫ້ບໍລິສັດຕ່າງໆສາມາດຍອມຮັບເພື່ອກ້າວສູ່ອະນາຄົດຮ່ວມກັນກັບ ສະພາການຄ້າເອີຣົບ ປະຈໍາລາວ ແລະ ປົດລັອກທ່າແຮງຂອງຕະຫຼາດອັນ ຄຶກຄື້ນແຫ່ງນີ້.

ສໍາລັບທຸລະກິດທີ່ຕ້ອງການປະສົບຜົນສໍາເລັດ ໃນລາວ, ສະພາການຄ້າເອີຣົບ ປະຈໍາລາວ ສາມາດ ນໍາສະເໜີປະຕູສູ່ຄວາມສໍາເລັດແບບບໍ່ມີໃຜທຽບໄດ້. ການສົ່ງເສີມຊຸມຊົນທຸລະກິດທີ່ກໍາລັງກ້າວກະໂດດ ດ້ວຍເຄືອຂ່າຍທີ່ກວ້າງຂວາງ, ລວມທັງຂໍ້ມູນເຊີງເລິກ ຈາກຜູ້ຊ່ຽວຊານ ແລະ ຄວາມມຸ່ງໝັ້ນຕໍ່ຄວາມຍືນຍົງ, ສະພາການຄ້າເອີຣົບ ປະຈໍາລາວ ຈິ່ງຖືເປັນຄູ່ຮ່ວມມືທີ່ບໍ່ສາມາດຕັດຂາດໄດ້ສໍາລັບທຸລະກິດໃດໜຶ່ງ ທີ່ມີເປົ້າໝາຍໃນການສ້າງຜົນພວງທາງທຸລະກິດທີ່ຍືນ ຍົງໃນລາວ. 

ຂໍ້ມູນເພີ່ມເຕີມ

ECCIL ແລະ ວິທີການເຂົ້າເປັນສະມາຊິກ ສາມາດເຂົ້າເບິ່ງທີ່ eccil.org.