ເຂດພູຫຍ້າຄາ,ເມືອງໄຊ ແຂວງອຸດົມໄຊ ໄດ້ຖືກຄົ້ນພົບເປັນແຫຼ່ງທ່ອງທ່ຽວແຫ່ງໃໝ່ ເມື່ອບໍ່ດົນມານີ້. ເຂດພູຫີນແຫ່ງນີ້ ເປັນບ່ອນທ່ອງທ່ຽວທີ່ເໝາະສຳລັບການຍ່າງທ່ຽວປ່າ ແລະ ການຕັ້ງແຄ້ມ.  ການເດີນທາງກໍ່ງ່າຍເນື່ອງຈາກມີບໍລິການນຳທ່ຽວຈາກຄົນທ້ອງຖິ່ນທີ່ຊຳນານທາງ ແລະ ສະຖານທີ່ດັ່ງກ່າວຕັ້ງຢູຫ່າງຈາກຕົວເມືອງອຸດົມໄຊພຽງແຕ່ 32 ກມ ເທົ່ານັ້ນ. 

ທ່ານສາມາດເລືອກກິດຈະກຳຍ່າງປ່າ, ປີນພູແບບ 1 ຫຼື 2 ວັນ ເພື່ອ ຊົມທິວທັດ ແລະ ປະຕິມາກຳຫີນທຳມະຊາດທີ່ມີແຕ່ຢູ່ບ່ອນນີ້ແຫ່ງດຽວເທົ່ານັ້ນ, ບວກກັບການໄດ້ຫາຍໃຈເອົາອາກາດບໍລິສຸດ ຫຼື ຊົມດາວຍາມກາງຄືນທີ່ປາສະຈາກແສງໄຟລົບກວນ. 

ວິທີການເດີນທາງ 

ການບິນລາວມີຖ້ຽວບິນຈາກນະຄອນຫຼວງວຽງຈັນຫາອຸດົມໄຊເປັນປະຈຳ. ທ່ານສາມາດເດີນທາງໄປບ້ານຫຼັກ
32 ໄດ້ດ້ວຍຕົນເອງ ແລ້ວ ຕິດຕໍ່
ຊອກຫາຜູ້ນໍາທ່ຽວປະຈໍາທ້ອງຖິ່ນໃຫ້
ພາທ່ຽວ ຫຼື ໃຫ້ຣີສອດນໍ້າກັດຢໍລະປາ
ຈັດລາຍການທ່ຽວແບບ 2 ຫຼື 3 ວັນໃຫ້. (namkatyorlapa.com)

ຮູບໂດຍ ພູນຊັບ ເທວົງສາ

ແປ ແລະ ຮຽບຮຽງໂດຍ ວັນນະແສງ ອິນສານ