ສະຖານ​ທີ່​ສັກສິດ​ຂອງ​ວັດ​ພູ ​ແຕ່​ເດີມ​ແມ່ນສ້າງມາເພື່ອ​ອຸທິດ​ໃຫ້​ແກ່ ພຣະ​ສິວະ ປັດຈຸ​ບັນ​ໄດ້ກາຍເປັນ​ສະຖານ​ທີ່ສັກກະລະບູຊາ​ຂອງ​ຊາວ​ພຸດ.

ຜາສາດຫີນວັດພູ ​ແມ່ນ​ຜົນງານຊີ້ນເອກດ້ານບູຮານສະຖານ ທີ່ເກີດຈາກແນວຄິດປະ​ດິດ​ສ້າງ​ຂອງມະນຸດເຮົາ ເຊິ່ງເປັນການປະສົມປະສານດ້ານ​ສິ​ລະ​ປະ​ລະ​ອຽດອ່ອນ, ສະແດງໃຫ້ເຫັນເຖິງສັນ​ຍາ​ລັກອັນ​ສໍາຄັນ​ຂອງ​ສາສະໜາ​ຮິນ​ດູ ຄຽງຄູ່ໄປ​ກັບ​ທິວ​ທັດ​ທຳ​ມະ​ຊາດອັນສວຍສົດງົດງາມ. ແນວຄວາມຄິດເຫຼົ່ານີ້ໄດ້ເກີດມາຈາກເອກະລັກທາງທໍາມະຊາດພື້ນເມືອງ, ມະໂນພາບທາງສາສະໜາ ແລະ ຄວາມກ້າວຫນ້າທາງດ້ານເຕັກນິກລວມໂຕຂຶ້ນມາ.
ວັດພູ ເປັນຕົວຢ່າງທີ່ສຳຄັນທາງສະຖາປັດຕະຍະກຳບູຮານຂອງຂະເໝນ ແລະ ຖືກກໍ່ສ້າງຢ່າງສືບເນື່ອງແກ່ຍາວແຕ່ສະຕະວັດທີ 7 ຈົນເຖິງສະຕະວັດທີ 12. ສະຖານທີ່ດັ່ງກ່າວເປັນຈຸດລວມສູນຂອງຊຸມຊົນທົ່ງພຽງຈໍາປາສັກທີ່ໜ້າຫຼົງໄຫຼ ໂດຍຕິດກັບພູເກົ້າໃນທາງທິດຕາເວັນຕົກ ແລະ ແມ່ນໍ້າຂອງໃນທາງທິດຕາເວັນອອກ.
ໃນຊ່ວງສະຕະວັດທີ 13, ກະສັດຂອງນະຄອນອັງກໍ ໄດ້ຫັນປ່ຽນມາອານາຈັກຂອງຕົນມາຖືສາສະໜາພຸດ ສົ່ງຜົນໃຫ້ທຸກໆວັດຂອງອານາຈັກດັ່ງກ່າວໄດ້ປັບປ່ຽນເຂົ້າກັນກັບຄວາມເຊື່ອໃໝ່, ເຊິ່ງໃນນັ້ນກໍ່ລວມທັງວັດພູ ທີ່ຍັງຄົງສືບຕໍ່ເຮັດໜ້າທີ່ເປັນສະຖານທີ່ທາງສາສະໜາທີ່ສໍາຄັນມາຈົນທຸກມື້ນີ້.

1. ຢູ່ຊັ້ນລຸ່ມຂອງວັດພູມີອ່າງເກັບນ້ຳຂະໜາດໃຫຍ່ ແລະ ໂຮງຊາວສອງຫຼັງ.
2. ບັນດາໂຮງຊາວແມ່ນຄາດວ່າຖືກນໍາໃຊ້ສໍາລັບການຈັດພິທີຕ່າງໆນັບຕັ້ງແຕ່ສະຕະວັດທີ 11 ມາ.
3. ຟານເຂົາໃຫວັດພູຖືກສ້າງເປັນວິຫານຂອງສາສະໜາຮິນດູ ແຕ່ໄດ້ຫັນປ່ຽນເປັນທີ່ບູຊາຂອງຊາວພຸດ.

1. ໃນວັນຂຶ້ນ 15 ຄໍ່າ ຂອງເດືອນກຸມພາ, ວັດພູ ຈະຖືກຈັດບຸນນະມັດສະການທີ່ໃຫຍ່ທີ່ສຸດໃນພາກໃຕ້ຂອງລາວ. ໃນ​ຮູບພາບດັ່ງກ່າວ​ນີ້, ຊາວ​ເມືອງທ້ອງ​ຖິ່ນໄດ້ຮ່ວມກັນ​ເຮັດ​ບຸນ​ດ້ວຍ​ການ​ປ່ອຍ​ໂຄມ​ໄຟ.
2. ງານ​ບຸນ​ວັດ​ພູ​ດຳ​ເນີນ​ໄປ​ເປັນ​ເວ​ລາ​ຫຼາຍ​ວັນ ແລະ​ ມີ​ປະ​ຊາ​ຊົນ​ນັບ​ພັນ​ຄົນ​ເຂົ້າ​ຮ່ວມ.
3. ຟານເຂົາໃຫແສງຈາກຫຼອດໄຟສ້າງບັນຍາກາດທີ່ສັງສັນ ໃນຂະນະທີ່ຜູ້ຄົນພາກັນຖືທູບທຽນເດີນທາງໄປຫາວັດ.

1. ຄົນລາວຍັງພາກັນເຮັດບຸນດ້ວຍການຖວາຍຜ້າສະບົງຜືນໃໝ່ໃຫ້ແກ່ພະພຸດທະຮູບ.
2. ບັນດາພະສົງຈາກທົ່ວປະເທດ ໄດ້ເດີນທາງມາເຂົ້າຮ່ວມພິທີບິນທະບາດ.
3. ຟານເຂົາໃຫ ທາງທິດເໜືອຂອງພະວິຫານຫຼັກ ແມ່ນສະຫຼັກຫີນໃຫຍ່ຮູບຊ້າງ ແລະ ແຂ້ ເຊິ່ງມີມາແຕ່ສະຕະວັດທີ 7.
4. ຟານເຂົາໃຫຢູ່ທາງຫຼັງຂອງພະວິຫານແມ່ນບໍ່ນໍ້າສັກສິດແບບທໍາມະຊາດທີ່ໄຫຼມາຈາກຫີນສັກສິດທີ່ຢູ່ເທິງຍອດພູ. ໃນສະໄໝບູຮານ, ຄອງນໍ້າທີ່ຖືກສ້າງຂຶ້ນເພື່ອໃຫ້ນໍ້າໄຫຼໄປຮົດຫີນສິວະລິງຢູ່ພາຍໃນພະວິຫານ.
5. ຟານເຂົາໃຫປະຊາຊົນທ້ອງຖິ່ນພາກັນເກັບ ແລະ ນໍາໃຊ້ນໍ້າສັກສິດເພື່ອອະທິຖານ ແລະ ຮັບພອນ.

ວິທີເດີນທາງໄປ:
ສາຍການບິນລາວ ມີຖ້ຽວບິນປະຈໍາຈາກ ນະຄອນຫຼວງວຽງຈັນ ໄປ ປາກເຊ ໄວ້ໃຫ້ບໍລິການທ່ານ.

ຂໍ້ມູນເພີ່ມເຕີມ:
ບຸນນະມັດສະການວັດພູ ຈະຖືກຈັດຂຶ້ນໃນຊ່ວງກາງ ເດືອນກຸມພາ ປີ 2022.

ແປ ແລະ ຮຽບຮຽງໂດຍ ວັນນະແສງ ອິນສານ
ຮູບໂດຍ ພູນຊັບ ເທວົງສາ