ວຽກງານການປັບປຸງຍົກລະດັບຊຸມຊົນຈາກຂັ້ນພື້ນຖານຂຶ້ນມາ.

ຕົ້ນໃບຢາສູບ ແມ່ນພືດທີ່ມີຄວາມຊັບຊ້ອນແຕ່ໃຫ້ຜົນຕອບແທນທີ່ດີໃນການປູກ. ການປູກຕົ້ນໃບຢາສູບ ຈະມີວົງຈອນເປັນຫຼາຍໄລຍະທີ່ແຕກຕ່າງກັນເຊິ່ງຕ້ອງໄດ້ອາໄສທັກສະ ແລະ ຄວາມເອົາໃຈໃສ່ຈາກຊາວກະສິກອນຜູ້ທີ່ມີຄວາມມຸ່ງໝັ້ນໃນການປູກຕົ້ນໃບຢາສູບ ຜ່ານການເຮັດສັນຍາກັບ ບໍລິສັດ ຢາສູບລາວ ຈຳກັດ. ບໍລິສັດ ຢາສູບລາວ ຈຳກັດ ສະໜັບສະໜູນຖານຊາວກະສິກອນຂອງຕົນ ດ້ວຍການ
ໃຫ້ຢືມວັດສະດຸທີ່ມີຄຸນນະພາບໃນຊ່ວງເລີ່ມຕົ້ນຂອງວົງຈອນການປູກ. ຍົກຕົວຢ່າງ, ປຸ໋ຍໄດ້ຖືກສະໜອງໃຫ້ບັນດາຊາວກະສິກອນທີ່ເຮັດສັນຍາກັບບໍລິສັດທັງໝົດ ເພື່ອເປັນການຮັບປະກັນວ່າ ພວກເຂົາສາມາດເກັບກ່ຽວຜົນຜະລິດໃຫ້ໄດ້ຫຼາຍທີ່ສຸດ.

ເມື່ອຊາວກະສິກອນບັນລຸຫຼັກການປະຕິບັດທີ່ດີທີ່ສຸດ, ລາງວັນທີ່ໄດ້ຮັບກໍ່ຈະແມ່ນມາຈາກຜົນຕອບແທນຂອງການປູກຕົ້ນໃບຢາ  ສູບທີ່ສູງກວ່າພືດທົ່ວໄປເຊັ່ນ: ການປູກເຂົ້າ ແລະ ສາລີຫວານ. ບໍລິສັດ ຢາສູບລາວ ຈຳກັດ ໄດ້ສະໜອງຊ່ອງທາງທີ່ໝັ້ນຄົງໃຫ້ຊາວກະສິກອນທີ່ເຮັດສັນຍານໍາບໍລິສັດ ສາມາດສ້າງຜົນຜະລິດ ແລະ ຮັກສາຄຸນະພາບໃຫ້ໄດ້ດີທີ່ສຸດ ໂດຍຄຽງຄູ່ໄປກັບການສະໜອງຕະຫຼາດທີ່ໝັ້ນຄົງ ແລະ ຮັບປະກັນໃຫ້ຊາວກະສິກອນຂອງ ບໍລິສັດ ຢາສູບລາວ ຈຳກັດ ໄດ້ຂາຍຜົນລະປູກຂອງພວກເຂົາ. ນອກນີ້ ຊາວກະສິກອນຍັງສາມາດປູກພືດຊະນິດອື່ນແບບໝູນວຽນເຊັ່ນ: ການປູກເຂົ້າໃນຊ່ວງລະດູຝົນ ເນື່ອງຈາກວ່າຕົ້ນໃບຢາສູບຈະຖືກປູກໃນຊ່ວງລະດູແລ້ງ. ບໍລິສັດ ຢາສູບລາວ ຈຳກັດ ຈະສືບຕໍ່ດໍາເນີນການປູກຕົ້ນຢາສູບຮ່ວມກັບຊາວກະສິກອນທີ່ຜ່ານການເຮັດສັນຍາຮ່ວມກັບບໍລິສັດຈໍານວນຫຼາຍຮ້ອຍຄົນໃນຊຸມຊົນເຂດຊົນນະບົດ ພ້ອມທັງໄດ້ເລີ່ມການທົດລອງປູກຕົ້ນຢາສູບຮ່ວມກັບພືດຊະນິດອື່ນໆເຊັ່ນ ໝາກແຕງ, ໝາກຖົ່ວຍາວ ແລະ ໝາກເຜັດ.

ແປໂດຍ ວິໄລສອນ ເຫຼື້ອງ