ບຸນປະເພນີ ປີໃໝ່ລາວ

Author:

Category:

spot_img

ບຸນປີໃໝ່ລາວ ຫຼື ທີ່ເອີ້ນວ່າ ປີໃໝ່ ແມ່ນງານບຸນຮີດຄອງປະເພນີ ທີ່ມີການສະເຫຼີມສະຫຼອງຍິ່ງໃຫຍ່ທີ່ສຸດຂອງປວງຊົນຊາວລາວທົ່ວປະເທດ. ໂດຍຕາມຮີດຄອງປະເພນີແລ້ວ, ບໍ່ແມ່ນສະເພາະແຕ່ເປັນຊ່ວງເວລາສຳລັບການຊໍາລະລ້າງສິ່ງທີ່ບໍ່ດີອອກໄປ ແລະ ຮັບເອົາແຕ່ສິ່ງທີ່ດີໆເຂົ້າມາເທົ່ານັ້ນ ແຕ່ຍັງເປັນໂອກາດສຳລັບທຸກໆຄົນທີ່ຈະໄດ້ມ່ວນຊື່ນ ແລະ ຈັດງານກິນລ້ຽງສ້າງສັນເປັນເວລາສາມມື້ສາມຄືນຕິດ ເຊີ່ງມີແຕ່ປະຊາຊົນລາວເທົ່ານັ້ນທີ່ເຮັດແບບນີ້ໄດ້. ບັນດາຕົວເມືອງ ແລະ ເມືອງຕ່າງໆໃນທົ່ວປະເທດ ໄດ້ມີການຈັດງານມ່ວນຊື່ນຕາມຖະໜົນຫົນທາງ ແລະ ມີການຫົດສົງກັນດ້ວຍນໍ້າ, ນອກເໜືອຈາກປະເພນີການເຂົ້າວັດ ເພື່ອຫົດສົງນ້ຳພະພຸດທະຮູບແລ້ວ ກໍ່ກະກຽມທີ່ຈະຖືກສີດນໍ້າຕາມສະຖານທີ່ຕ່າງໆໄດ້ເລີຍ ເພາະຈະບໍ່ໃຜໄດ້ຮັບການຍົກເວັ້ນທັ້ງນັ້ນ. ຊ່ວງງານບຸນນີ້ແມ່ນຊ່ວງເວລາທີ່ຮ້ອນທີ່ສຸດຂອງປີ ຈຶ່ງເຮັດໃຫ້ການຫຼີ້ນນໍ້ານັ້ນຍິ່ງມີຄວາມມ່ວນຊື່ນຍິ່ງຂຶ້ນໄປອີກ. ຖ້າຫາກວ່າທ່ານໄດ້ມີໂອກາດຢູ່ປະເທດລາວຊ່ວງນີ້ແລ້ວ, ວິທີທີ່ຈະຮ່ວມເພີດເພີນກັບບຸນປີໃໝ່ລາວໄດ້ຢ່າງມ່ວນຊື່ນທີ່ສຸດນັ້ນ ແມ່ນການຜ່ອນຄາຍ ແລະ ປົດປ່ອຍໃຫ້ສິ່ງຕ່າງໆເກີດຂື້ນເອງຕາມທຳມະຊາດຂອງການສະເຫຼີມສະຫຼອງຕາມຮີດຄອງປະເພນີ.

ແປ ແລະ ຮຽບຮຽງໂດຍ ຈັດຕະວາ ມາດມະນີສອນ
ຮູບໂດຍ ພູນຊັບ ເທບວົງສາ

Champa Meuanglao
Champa Meuanglao
Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco

Read More

Related Articles