ສປປ ລາວ ຄົບຮອບ 50 ປີ ບົດໂດຍ: ເຈສັນ ໂຣລັນ ຮູບໂດຍ: ພູນຊັບ ເທວົງສາ ແປ ແລະ ຮຽບຮຽງໂດຍ: ໄພບູນ ທະນະບົວສີ   ອາກາດຊ່ວງຕອນເຊົ້າໃນເມືອງວຽງຈັນ ເຕັມໄປດ້ວຍກິ່ນຫອມຫວນຂອງດອກຈໍາປາ ແລະ ຄວາມຄາດຫວັງຂອງຜູ້ຄົນຊາວເມືອງ. ພວກແມ່ຄ້າຊາວຂາຍຕ່າງກໍທະຍອຍກັນອອກມາປະຈໍາຮ້ານຂອງໃຜລາວທີ່ຕັ້ງລຽນລາຍຕາມແຄມທາງເສດຖາທິລາດ, ເຕົາເຫຼັກຂອງພວກເຂົາສົ່ງສຽງແຕກຕັອກແຕັກ! ເປັນສຽງຂອງໄຟທີ່ກໍາລັງປີ້ງເຂົ້າຈີ່ເພື່ອເຮັດປາເຕ້ ເຊິ່ງເປັນມໍລະດົກຕົກທອດມາແຕ່ສະໄໝລ່າເມືອງຂຶ້ນຂອງຝຣັ່ງ ເຊິ່ງປັດຈຸບັນໄດ້ຫຼອມລວມຈົນກາຍເປັນລາວໂດຍແທ້ຈິງ. ອາຍນໍ້າລອຍພຸ່ງອອກຈາກປາກໝໍ້ທີ່ຕັ້ງຢູ່ຂ້າງລໍ້ຂາຍເຂົ້າປຽກ, ຂະນະທີ່ບັນຍາກາດໃນເມືອງຫຼວງວຽງຈັນກໍເຕັມໄປດ້ວຍຄວາມຄຶກຄື້ນ ແລະ...