ຮ່ອງຮອຍອັນເປັນຕຳນານຂອງເມືອງອາຣັນ

ໃນພູຫີນບູນທີ່ອຸດົມສົມບູນນັ້ນ ໃຜຈະຮູ້ວ່າມັນໄດ້ເຊື່ອງເມືອງທີ່ລຶກລັບຢູ່

ເຊື່ອວ່າຫຼາຍໆຄົນກໍ່ຄົງຈະເຄີຍໄປຢ້ຽມຢາມສະຖານທີ່ທາງທໍາມະຊາດອັນໂດດເດັ່ນຂອງແຂວງຄໍາມ່ວນກັນມາແນ່ແລ້ວ, ແຕ່ທ່ານຮູ້ບໍ່ວ່ານອກຈາກຄວາມສວຍງາມທາງທໍາມະຊາດແລ້ວ ຄໍາມ່ວນ ຍັງມີສະຖານທີ່ທາງວັດທະນະທໍາແຫ່ງໃໝ່ເລີ່ມປະກົດຂຶ້ນໃຫ້ເຫັນ ນັ້ນກໍ່ຄື ຊາກຫັກພັງຂອງເມືອງທີ່ສາບສູນ!

ເມືອງອາຣັນ ຫຼຶ ອາຣັນຍາຄີຣີວົງກົດ ຕັ້ງຢູ່ເຂດຮ່ອມພູທີ່ອ້ອມຮອບໄປດ້ວຍພູຫີນປູນອັນສະຫຼັບຊັບຊ້ອນ ແລະ ເສັ້ນທາງທີ່ຈະນໍາພາທ່ານໄປສູ່ເມືອງອາຣັນໄດ້ງ່າຍທີ່ສຸດແມ່ນຜ່ານ ຖໍ້າເຫີບ ດ້ວຍໄລຍະທາງ 1.5 ກິໂລແມັດ. ບໍ່ມີໃຜຮູ້ໄດ້ຢ່າງແທ້ຈິງວ່າສະຖານທີ່ແຫ່ງນີ້ຖືກສ້າງຂື້ນໂດຍໃຜ ແລະ ເຫດໃດຈຶ່ງຖືກປ່ອຍປະໃຫ້ເຫຼືອໄວ້ແຕ່ຊາກເປ່ເພແບບນັ້ນ. ເສົາທີ່ຫັກພັງລົງມາ ແລະ ຮາກຖານຂອງວັດ ກໍ່ຍັງຄົງຕັ້ງຢູ່ໃຫ້ເຫັນ ແລະ ໄດ້ຮັບການບູລະນະໃນຊ່ວງປີທີ່ຜ່ານມາໂດຍນັກສະແຫວງບຸນຜູ້ທີ່ເຫຼື້ອມໃສໃນພຸດທະສາສະໜາ.

1. ເສົາຫີນທີ່ຫັກພັງຂອງວັດລາວບູຮານ

2. ຕົ້ນໄມ້ໃຫຍ່ທັງຫຼາຍທີ່ຂະຫຍາຍໃຫຍ່ຂຶ້ນທັບກຳແພງ ແລະ ຝາອາຄານເກົ່າ ໄດ້ແຜ່ກິ່ງກ້ານສາຂາໃຫ້ຮົ່ມເກົ່າແກ່ຜູ້ທີ່ມາຢ້ຽມຢາມ

3. ເສັັ້ນທາງຈາກຖໍ້າໄປສູ່ເມືອງບູຮານ

ວິທີເດີນທາງໄປ

ຂັບລົດອອກໄປຕາມເສັ້ນທາງເລກທີ 13 ໃຕ້ ສູ່ເມືອງວຽງຄໍາ (ຕັດກັບຖະໜົນເສັ້ນເລກທີ 8) ແລ້ວຂັບຕໍ່ອອກໄປທາງໃຕ້ອີກປະມານ 13 ກິໂລແມັດເຂົ້າສູ່ ບ້ານຊໍາບອນ. ມຸ່ງໜ້າໄປຕໍ່ທີ່ ບ້ານທອງລົມ ເພື່ອລໍຖ້າຂຶ້ນເຮືອ ແລະ ຂໍໃຫ້ໄກ້ນໍາທ່ຽວພາເຮົາໄປທີ່ຖໍ້າ ຈາກນັ້ນເຂົ້າສູ່ເມືອງອາຣັນທີ່ຫ່າງໄກອອກໄປ.

1. ກາຍຂື້ນມາຈາກ ເມືອງ ອາຣັນ ພຽງບໍ່ເທົ່າໃດກິໂລແມັດທ່ານກໍ່ຈະເຫັນໝູ່ບ້ານ ນາເຫີບ ເຊິ່ງເປັນທີ່ຕັ້ງຂອງໂຮມສະເຕ.
2. ຖໍ້າເຫີບ ທີ່ມີຄວາມຍາວ 1.5 ກິໂລແມັດແມ່ນຫົນທາງຫຼັກທີ່ຈະນໍາພາໄປສູ່ງເມືຶອງເກົ່າ
3. ແນມເບິ່ງຈາກວິວມຸມສູງ, ທົ່ງນາອັນກວ້າງໃຫຍ່ສຸດສາຍຕາເບີ່ງແລ້ວກໍ່ຄ້າຍຄືກັບແຜ່ນຈິກຊໍ

ຂໍ້​ມູນ​ເພີ່ມ​ເຕີມ

ກົດຕິດຕາມ ເພຈ Facebook ລາວທ່ຽວລາວສໍາລັບຂໍ້ສະເໜີພິເສດຕ່າງໆ, ຮຽນຮູ້ກ່ຽວກັບສະຖານທີ່ທ່ອງທ່ຽວທີ່ກໍາລັງເປັນທີ່ນິຍົມ ແລະ ໜ້າສົນໃຈພ້ອມກັບຮ່ວມຫຼີ້ນກິດຈະກໍາລຸ້ນຮັບຂອງລາງວັນອີກຫຼາກຫຼາຍລາຍການ!

ແປ ແລະ ຮຽບຮຽງໂດຍ ອັງຄະນາ ວົງພັກດີ

ຮູບໂດຍ ພອນສະຫວັນ ຈັນທະວົງ