English
ມັນເປັນເລື່ອງທີ່ປະຕິເສດບໍ່ໄດ້ເລີຍວ່າຄົນລາວແມ່ນມີທັກສະທາງດ້ານກະສິກໍາບໍ່ດ້ອຍກວ່າຊາດອື່ນ. ຊາວສວນຜູ້ປູກໃບຢາລາວໄດ້ໃຊ້ຄວາມມານະອົດທົນ ແລະ ທັກສະທີ່ທ້ອນໂຮມຈາກປະສົບການເປັນເວລາ 10 ປີ ເກີດເປັນສຸດຍອດໃບຢາຂຶ້ນມາ. ເຖິງຄົນສ່ວນໃຫຍ່ຈະຄິດວ່າໃບຢາເຫລົ່ານີ້ໄດ້ຮັບຄວາມນິຍົມພຽງແຕ່ໃນລາວ, ແຕ່ຄວາມຈິງແລ້ວ ໃບຢາເຫລົ່ານີ້ເປັນສິນຄ້າທີ່ມີຄວາມຕ້ອງການສູງໃນຕ່າງປະເທດ.
ສິນຄ້າຂອງລາວທີ່ສາມາດອອກເດີນທາງສູ່ຕ່າງແດນສ້າງລາຍຮັບສູ່ປະເທດອັນໄດ້ແກ່ ຢາງພາລາ, ກາເຟ, ແຮ່ທາດ,ແລະ ໄຟຟ້າ, ໃບຢາສູບລາວກໍເປັນອີກໜຶ່ງສິນຄ້າສົ່ງອອກຂອງລາວເຊັ່ນກັນ. ດ້ວຍການສະໜັບສະໜູນຈາກບໍລິສັດ ຢາສູບລາວ ຈໍາກັດ, ໃບຢາສີທອງເຫຼົ່ານີ້ໄດ້ຊຸກຍູ້ ຜັກດັນໄປໄກເຖິງປະເທດເຢຍລະມັນ, ໂຮນລັງ, ໂປໂລຍ ໄປຈົນເຖິງປະເທດມາດາກາດສະກາ.
ເພື່ອທີ່ຈະເຮັດໃຫ້ໃບຢາເຫຼົ່ານີ້ເຂົ້າເຖິງຕະຫຼາດລະດັບນີ້ໄດ້, ບໍລິສັດຜູ້ສົ່ງອອກກໍຄື ບໍລິສັດ ຢາສູບລາວ ຈໍາກັດ ຮ່ວມວີຊາການທີ່ມີທັກສະທີ່ບົ່ມມາເປັນເວລາຫຼາຍສິບປີຂອງຊາວສວນທີ່ຢູ່ຄຽງຄູ່ກັນມາ ສ້າງໃບຢາສີທອງຄຸນນະພາບສູງ ເຊິ່ງມີການເອົາໃຈໃສ່ຕັ້ງແຕ່ຂັ້ນຕອນການປູກ, ການດູແລຮັກສາ, ແລະ ການຄັດສັນເອົາໃບຢາທີ່ມີສີ, ກິ່ນ ແລະ ເນື້ອສໍາຜັດທີ່ສົມບູນແບບທີ່ສຸດ. ແລະພຽງໃບທີ່ສົມບູນແບບເທົ່ານັ້ນຈຶ່ງຈະສາມາດອອກເດີນທາງໄປຍັງດິນແດນທີ່ພວກເຂົາຈະໄດ້ຮັບສຽງຍ້ອງຍໍຈາກບັນດາຜູ້ມັກລອງຜະລິດຕະພັນຕ່າງແດນ ວ່າເປັນໃບຢາຄຸນນະພາບຊັ້ນເລີດຈາກແດນລາວ.