Champa Meuanglao
Menu
  • ໜ້າຫຼັກ
  • ບົດຄວາມ
    • ທຸລະກິດ
    • ວິຖີຊີວິດ
    • ອາຫານ
    • ທ່ອງທ່ຽວ
    • ການບິນລາວ
  • ວາລະສານ
  • ຕິດຕໍ່
  • ISSUU
  • ລົງໂຄສະນາ
  • Language: ລາວ
    • English English
    • ລາວ ລາວ
  • laoairlines.com
Champa Meuanglao
  • ໜ້າຫຼັກ
  • ບົດຄວາມ
    • ທຸລະກິດ
    • ວິຖີຊີວິດ
    • ອາຫານ
    • ທ່ອງທ່ຽວ
    • ການບິນລາວ
  • ວາລະສານ
  • ຕິດຕໍ່
  • ISSUU
  • ລົງໂຄສະນາ
  • Language: ລາວ
    • English English
    • ລາວ ລາວ
  • laoairlines.com
ທຸລະກິດ

ກ້າວດ້ວຍຄວາມໝັ້ນໃຈ

posted by Mai
Sep 4, 2018 2165 0 0
Share

ເພາະ ມູເວີມ໋ອງ ເຂົ້າໃຈ ແລະ ຮູ້ວ່າຜູ້ຊາຍຕ້ອງການຫຍັງ

ສິ້ນ ແມ່ນສ່ວນໜຶ່ງທີ່ສໍາຄັນໃນການສະແດງເຖິງເອກະລັກການແຕ່ງກາຍຂອງແມ່ຍິງລາວ;  ບໍ່ວ່າທ່ານຈະຍ່າງໄປທາງໃດ ທັງພາຍໃນຫ້າງຮ້ານ ຫຼື ທ້ອງຕະຫຼາດ ທ່ານຈະເຫັນໄດ້ວ່າສິ້ນມີໃຫ້ເລືອກຫຼາກຫຼາຍແບບ, ຫຼາຍສີສັນ, ຫຼາຍລວດລາຍ ໃຫ້ທ່ານຍິງສາມາດເລືອກຊຶ້ ແລະ ເລືອກໃຊ້ໄດ້ທຸກກາລະໂອກາດ.

ແຕ່ໃນທາງກົງກັນຂ້າມ, ເຄື່ອງແຕ່ງກາຍຂອງທ່ານຊາຍ ຈະມີທາງເລືອກທີ່ຄ່ອນຂ້າງຈໍາກັດ ແລະ ຍັງບໍ່ຫຼາກຫຼາຍເທົ່າແມ່ຍິງ; ນີ້ຈິ່ງເປັນແຮງບັນດານໃຈໜຶ່ງ ທີ່ເຮັດໃຫ້ ທ່ານນາງ ພອນທິດາ ສົມສະອາດ, ສ້າງຕັ້ງແບຣນ ມູເວີມ໋ອງ, ແບຣນເຄື່ອງແຕ່ງກາຍທ່ານຊາຍຂອງເພິ່ນຂຶ້ນມາ ເພື່ອຕອບສະໜອງຄວາມຕ້ອງການຂອງຕະຫຼາດ ໂດຍສະເພາະຕະຫຼາດເຄື່ອງແຕ່ງກາຍທ່ານຊາຍນັ້ນເອງ.

ທ່ານນາງ ພອນທິດາ ໄດ້ກ່າວວ່າ: “ໃນອະດີດ, ຈະມີແຕ່ຮ້ານຕັດຫຍິບເຄື່ອງຂອງຄົນຫວຽດນາມເທົ່ານັ້ນທີ່ຮັບຕັດຫຍິບຊຸດຂອງຜູ້ຊາຍ, ເຊິ່ງສ່ວນຫຼາຍຈະເປັນຊຸດສູດທໍາມະດາ, ລຽບງ່າຍ ແລະ ບໍ່ຫຼາກຫຼາຍ. ແຕ່ໃນປະຈຸບັນຜູ້ຊາຍຫຼາຍໆຄົນກໍ່ມີລົດນິຍົມທີ່ແຕກຕ່າງຈາກເກົ່າ, ມີການນໍາເທຣນແຟຊັນຫຼາຍຂຶ້ນ ເຊິ່ງໄດ້ຮັບອິດທິພົນການແຕ່ງກາຍຈາກຕ່າງປະເທດ ຈາກສື່ໂທລະພາບ ແລະ ສື່ອອນລາຍຕ່າງໆ. ຍ້ອນແນວນັ້ນ, ຊຸດສູດແບບທໍາມະດາເຫຼົ່ານັ້ນຈຶ່ງກາຍເປັນຊຸດສູດທີ່ລຽບງ່າຍຈົນເກີນໄປ ແລະ ບໍ່ເປັນທີ່ນິຍົມຫຼາຍສໍາລັບຜູ້ຊາຍໃນຍຸກປະຈຸບັນນີ້.”

ກ່ອນທີ່ເພີ່ນຈະລິເລີ່ມທຸລະກິດນີ້, ທ່ານນາງ ພອນທິດາ ໄດ້ໄປຝຶກອົບຮົມຂັ້ນພື້ນຖານໃນສະຖາບັນຝຶກອົບຮົມຕ່າງໆພາຍໃນປະເທດ ເພື່ອເກັບ ກ່ຽວຄວາມຮູ້ເພີ່ມເຕີມກ່ຽວກັບແຟຊັນການແຕ່ງກາຍຂອງທ່ານຊາຍ ແລະ ໄດ້ນໍາເອົາຄວາມຮູ້ທີ່ເພິ່ນຮໍ່າຮຽນມາ ມາເສີມແຕ່ງ ແລະ ປະສົມປະສານກັບເທຣນ ການແຕ່ງກາຍປະຈຸບັນ ໃຫ້ ແທດເໝາະກັບຄວາມຕ້ອງການຂອງລູກຄ້າຫລາຍຂຶ້ນ.

ເປົ້າໝາຍຫລັກຂອງ ມູເວີມ໋ອງ ແມ່ນເພື່ອສ້າງແບຣນເຄື່ອງແຕ່ງກາຍທ່ານຊາຍ ທີ່ສາມາດຕອບໂຈດ ຄວາມຕ້ອງການຂອງລູກຄ້າ ທີ່ຕ້ອງການເຄື່ອງແຕ່ງກາຍທີ່ດູດີ, ມີສະໄຕລ໌ ແລະ ທັນສະໄໝ  ພ້ອມກັບການບໍລິການທີ່ດີເລີດ. ມາຮອດປະຈຸບັນ, ມູເວິມ໋ອງ ມີສອງສາຂາ ເຊິ່ງລູກຄ້າສາມາດເລືອກໃຊ້ບໍລີການຢູ່ສາຂາໃດກໍ່ໄດ້ຕາມຄວາມສະດວກ; ສາຂາຫຼັກ ແມ່ນຕັ້ງຢູ່ບ້ານໂພນສີນວນ ແລະ ສາຂາສອງ ແມ່ນຕັ້ງຢູ່ບ້ານທາດຫຼວງ.

ນອກຈາກນີ້, ທ່ານນາງ ພອນທິດາ ໄດ້ກ່າວຕື່ມວ່າ ທາງເພີ່ນເອງກໍ່ມີຈຸດປະສົງ ແລະ ຄວາມສົນໃຈໃນ ການຂະຫຍາຍແບຣນຂອງເພິ່ນອອກສູ່ຕະຫຼາດໃນທົ່ວປະເທດ. ແຕ່ໃນປະຈຸບັນພວກເພິ່ນຕ້ອງການທີ່ຈະສຸມໃສ່ ການສ້າງ ແລະ ພັດທະນາແບຣນຂອງເພິ່ນໃນຕະຫຼາດຢູ່ນະຄອນຫຼວງວຽງຈັນໃຫ້ເຕັມທີ່  ກ່ອນທີ່ຈະຂະຫຍາຍແບຣນອອກສູ່ພາກອື່ນໆຂອງປະເທດ.

ທາງຮ້ານ ມູເວີມ໋ອງ ມີຊຸດສູດຫຼາກຫຼາຍແບບໄວ້ບໍລິການລູກຄ້າ ເຊິ່ງລູກຄ້າສາມາດເລືອກແບບ ແລະ ສີສັນ ຕາມທີ່ທາງຮ້ານໄດ້ວາງສະແດງເປັນຕົວຢ່າງໃຫ້ລູກຄ້າ; ນອກຈາກນີ້, ລູກຄ້າ ຍັງສາມາດເລືອກເນື້ອຜ້າທີ່ຕ້ອງການໄດ້ ແລະ ທາງຮ້ານມີຜ້າຫຼາຍປະເພດທີ່ນໍາເຂົ້າຈາກຕ່າງປະເທດຄື: ຜ້າຂົນສັດ, ຜ້າໃຍສັງເຄາະ ແລະ ຜ້າລີນິນ. ນອກຈາກນໍາໃຊ້ຜ້າທີ່ນໍາເຂົ້າຈາກຕ່າງປະເທດແລ້ວ, ທ່ານນາງ ພອນທິດາ ກໍ່ໄດ້ນໍາເອົາແຜ່ນຜ້າຫຼາຍໆຊະນິດທີ່ເປັນຜະລິດຕະພັນຂອງຄົນລາວ ມາເປັນອີກທາງເລືອກໜຶ່ງໃຫ້ລູກຄ້າໄດ້ເລືອກໃຊ້ເຊັ່ນ: ຜ້າຝ້າຍ ແລະ ຜ້າໄໝລາວເປັນຕົ້ນ.

ການບໍລິການກໍ່ເປັນອົງປະກອບໜື່ງອັນສໍາຄັນທີ່ທາງແບຣນ ມູເວີມ໋ອງ ໃຫ້ຄວາມເອົາໃຈໃສ່ ແລະ ໃຫ້ຄວາມສໍາຄັນ, ທາງຮ້ານໄດ້ມີການຝຶກອົບຮົມພະນັກງານຂອງເພີ່ນຢ່າງເປັນລະບົບ ເພື່ອພ້ອມໃຫ້ບໍລິການ ແລະ ໃຫ້ຄໍາປຶກສາແກ່ລູກຄ້າ. ທ່ານນາງ ພອນທິດາ ໄດ້ກ່າວຕື່ມວ່າ ມູເວີມ໋ອງເອົາໃຈໃສ່ ແລະ ຄັດເລືອກເອົາສະເພາະພະນັກງານຕັດຫຍິບທີ່ມີປະສົບການຫຼາຍປີ  ທີ່ສາມາດຕັດຫຍິບໄດ້ຕາມມາດຕະຖານ ແລະ ມີຄວາມສາມາດໃນການອອກແບບຜະລິດຕະພັນ. ມູເວີມ໋ອງ ຍັງຮັບສ້ອມແປງຊຸດສູດທີ່ລູກຄ້າໄດ້ຊື້ກັບທາງຮ້ານ ບໍ່ວ່າລູກຄ້າຕ້ອງການທີ່ຈະປັບຂະໜາດເຂົ້າ ຫຼື ຫຍັບອອກ ທາງຮ້ານກໍ່ສາມາດອໍານວຍຄວາມສະດວກ ໃຫ້ໄດ້ຕາມຄວາມຕ້ອງການຂອງລູກຄ້າ ໂດຍທີ່ບໍ່ຄິດໄລ່ຄ່າບໍລິການ ຕະຫຼອດການໃຊ້ງານອີກດ້ວຍ.

 

ຂຽນໂດຍ​: ເຈສັນ ໂຣລັນ

ແປ ແລະ ຮຽບຮຽງໂດຍ: ອານິຕາ ສຸພະເຂດ

ຮູບໂດຍ: ພູນຊັບ ເທວົງສາ ແລະ ຮ້ານ ມູເວີມ໋ອງ

 

fashionfashion businessMovementMovement Brand
Share

Previous

[:en]Si Phan Don - The Original River Life Experience[:]

Next

[:en]Cinemas of Southeast Asia[:]
  • English
  • ລາວ

ບົດຄວາມຫຼ້າສຸດ

  • ເມືອງແຫ່ງສີ້ນ
  • ພວກເຮົາໄດ້ຮັບ, ຜ່ານການໃຫ້
  • ຫົວໃຈສີຂຽວແຫ່ງລາວເໜືອ – ອຸທິຍານແຫ່ງຊາດນໍ້າແອດ-ພູເລີຍ
  • ທ່ອງທ່ຽວພະຈົນໄພແບບຄອບຄົວທີ່ພາກໃຕ້ຂອງລາວ
  • (English) Stylish Renovation

ບົດຄວາມ

  • Art
  • ທຸລະກິດ
  • Café
  • Festival
  • ອາຫານ
  • ການບິນລາວ
  • ວິຖີຊີວິດ
  • New
  • Social Enterprise
  • Stay
  • ທ່ອງທ່ຽວ
  • Uncategorized

ສະບັບ

  • November 2020
  • September 2020
  • July 2020
  • May 2020
  • March 2020
  • February 2020
  • June 2019
  • May 2019
  • March 2019
  • January 2019
  • December 2018
  • November 2018
  • September 2018
  • July 2018
  • May 2018
  • March 2018
  • January 2018
  • December 2017
  • November 2017
  • October 2017
  • September 2017
  • July 2017
  • May 2017

ຮັບຂ່າວສານຜ່ານເຟສບຸກ

You Might Also Like

ທຸລະກິດ, ອາຫານ, New, ທ່ອງທ່ຽວ
May 1, 2020

(English) Bring in the Laos, Bring in the Funk

ຂໍອະໄພ, ບົດຄວາມນີ້ ມີສະເພາະໃນພາສາ English.

Read More
0 0
ທຸລະກິດ
May 1, 2017

108 ອາຊີບ ຜູ້ນຳກະແສ ທຸລະກິດ ແບບ start-up ໃນລາວ

ເມື່ອເວົ້າເຖິງທຸລະກິດທີ່ໃຊ້ເຕັກໂນໂລຢີເປັນຫຼັກ ຫຼື ບໍ່ວ່າຈະເປັນ ທຸລະກິດໃໝ່ ແບບໃດກໍ່ຕາມ,...

Read More
0 0
Copyrights © 2018 Champa Meuanglao. All Rights Reserved.
Website by Designix Studio
Back top