ນອກຈາກມີວັດວາອາຮາມຫຼາຍແຫ່ງໃຫ້ທ່ຽວຊົມ ຍັງເປັນສະຫວັນຂອງນັກຊີມ ທີ່ລໍຄອຍທ່ານໄປລິ້ມລອງ ແປ ແລະ ຮຽບຮຽງໂດຍ ໄພບູນ ທະນະບົວສີ ຫຼວງພະບາງເຕັມໄປດ້ວຍຮ່ອງຮອຍປະຫວັດສາດ ທັງເຕັມໄປດ້ວຍຫຼາກຫຼາຍສິ່ງຢ່າງໃຫ້ເຮັດ ແລະ ທ່ຽວຊົມ, ຈົນຖືກເບິ່ງຂ້າມແບບງ່າຍໆວ່າ ອາດີດເມືອງຫຼວງເກົ່າແກ່ແຫ່ງນີ້ເຄີຍເປັນຈຸດໝາຍປາຍທາງອັນສໍາຄັນ ຂອງບັນດານັກຊີມອາຫານພື້ນເມືອງແບບລາວໆ ແລະ ອາຫານປະເພດຕ່າງໆຈາກທົ່ວທຸກມຸມໂລກ. ມີຫຼາຍບ່ອນທີ່ທ່ານອາດບໍ່ເຄີຍໄປເຊິ່ງໄດ້ນໍາມາລວມໄວ້ໃນທີ່ນີ້. THE TEAHOUSE ເຮືອນນໍ້າຊາ ຫຼວງພະບາງ ຖືເປັນສະຖານທີ່ແວ່ພັກທີ່ເໝາະສົມສໍາລັບທຸກຄົນ ໂດຍສະເພາະຜູ້ທີ່ຕ້ອງການສໍາຫຼວດໝູ່ບ້ານຫັດຖະກໍາຕໍ່າຫູກ ແລະ ຜະລິດເຈ້ຍສາ. ພາຍຫຼັງກັບມາຈາກທ່ຽວຊົມຜົນງານຫັດຖະກໍາທີ່ບ້ານຊ່າງຄ້ອງແລ້ວ ທ່ານສາມາດແວ່ພັກທີ່ເຮືອນນໍ້າຊາເພື່ອດື່ມຊາ...